Hüpa up inwards

Hüpa tau inwardslist

Jehovaas Tüügen

suik språk uut Pomerisch

 LEIR 12

Wousou kast duu näig an God kooma?

Wousou kast duu näig an God kooma?

1. Däit God al dai gebeeds höira?

God nöigt al sort lüür tau an em kooma doir gebeeds. (Psalm (Salmo) 65:2) Åwer hai höirt ni al gebeeds. Taum bijspeel, as dai Israeliten wijrerbleiwa slechta daila måka, däir God ni eer gebeeds höira. Sou uk wen air keirl sijn fruug slecht traktijrt sijn gebeeds waara ni höirt. (1. Petrus (1 Pedro) 3:7) Åwer, God nimt air meisch sijn gebeeds an wat swår süün måkt hät, wen dai sich bekeira däit. Dat wijst dat, dat gebeed ain forrecht is. — Lees Jesaja (Isaías) 1:15; 55:7.

2. Wousou muida wij beera?

Dat gebeed däit tauhöira tau ous anbeeren. Dårweegen muida wij blous tau ousa Schafer, Jehovaa, beera. (Matthäus (Mateus) 4:10; 6:9) Uuterdem, dat wij imperfekt sin, muida wij in Jeisus sijn nåme beera, weegen hai is for ous süün doudbleewa. (Johannes (João) 14:6) Jehovaa wil ni dat wij ümer dai neemliga wöir säga in ous gebeeds urer wen wij dai afleesa. Ous gebeeds muida fom härts kooma. — Lees Matthäus (Mateus) 6:7; Philipper (Filipenses) 4:6, 7.

Ous Schafer kan sougår stil gebeeds höira. (1. Samuel (1 Samuel) 1:12, 13) God nöigt ous taum in al situations beera. Taum bijspeel, im anfang un ein fom dag, fom eeten un wen wij probleims doirseta. — Lees Psalm (Salmo) 55:22; Matthäus (Mateus) 15:36.

3. Wouweegen daua sich dai kristen forsamla?

Näig an God kooma is ni licht weegen wij leewa mang lüür wat kaina glouwa an God häwa un wat spota fon sij forspreeken taum freera oiwer dai Eir bringa. (2. Timotheus (2 Timóteo) 3:1,4; 2. Petrus (2 Pedro) 3:3, 13) Sou, wij bruuka dai gaur gemaindschaft fon ousa bruirer un swesters, un dai bruuka ous uk. — Lees Hebräer (Hebreus) 10:24, 25.

 Fründ sin mit dai wat God lijba helpt ous näig an Em kooma. Dat t’houpkoomen up dai forsamlunga fona Jehovaas Tüügen is gaud taum air dem andrer sijna glouwa stark måka. — Lees Römer (Romanos) 1:11, 12.

4. Wousou kast duu näig an God kooma?

Duu kast an Jehovaa näig kooma wen duu dij besina däist wat duu fon sijn Wourd leirst. Dau an God sij werken, beleirung un forspreeken denka. Dat besinen mit gebeed helpt ous dat ous dankbårkeit for lijb un klaukheit fon God gröter waard. — Lees Josua (Josué) 1:8; Psalm (Salmo) 1:1-3.

Duu kast blous näig an God kooma wen duu an em glouwa häst un dij up em forlötst. Åwer dai glouwa is sou as ain plant wat ümer wåter bruukt. Duu must steits dijna glouwa stärka doir dat nådenken wat fona grund dij glouwa hät. — Lees Matthäus (Mateus) 4:4; Hebräer (Hebreus) 11:1, 6.

5. Wouweegen is gaud tau dij näig an God kooma?

Jehovaa bekümert sich mit dai wat em lijba. Hai kan eer behüüta fon ales wat eer glouwa un hofnung taum eiwig leewend im gefärlig bringa küün. (Psalm (Salmo) 91:1, 2, 7-10) Hai sägt ous beschaid oiwer mour fona wild wat ous gesundheit un fröiligkeit im gefärlig mökt. Jehovaa leirt ous up dai best årt leewa. — Lees Psalm (Salmo) 73:27, 28; Jakobus (Tiago) 4:4, 8.