Hüpa up inwards

Hüpa tau twaita menu

Hüpa tau inwardslist

Jehovaas Tüügen

Pomerisch

God Hät Gaura Nijges tau Dij!

 LEIR 14

Wouweegen hät God ain organisation?

Wouweegen hät God ain organisation?

1. Wouweegen hät God dat folk Israel organisijrt?

God hät dai afstamiga fon Abrahan organisijrt, hät fon eer ain nation måkt, un hät eer ain samlung fon gesetsa geewt. Hai hät deisa nation dera nåme “Israel” geewt un hät eer der amt oiwergeewt dat wår anbeeren un sij wourd behüüta. (Psalm (Salmo) 147:19, 20) Sou, lüür fon ala nationa küüna seegend waara doir Israel. — Lees 1. Mose (Gênesis) 22:18.

God hät dai Israeliten uutsöcht taum sijn tüügen sin. Eer geschicht helpt taum saia wou der lüür dat gaud geit wen sai God sijn gesetsa horga. (5. Mose (Deuteronômio) 4:6) Sou, dai Israeliten betrachta un fon eer leira, küüna andrer der wår God kenaleira. — Lees Jesaja (Isaías) 43:10, 12.

2. Wouweegen sin dai wåra kristen organisijrt?

Mita tijd, hät dai nation fon Israel God sijna gefala for­speelt, un Jehovaa hät dai ümtuuscht up dai kristlig gemaind. (Matthäus (Mateus) 21:43; 23:37, 38) Hüüt, in dai Israeliten eer stel, daua dai wåra kristen dijna sou as Jehovaas tüügen. — Lees Apostelgeschichte (Atos) 15:14, 17.

Jeisus hät sijn jüngers organisijrt taum preegen un jüngers in ala nationa måka. (Matthäus (Mateus) 10:7, 11; 24:14; 28:19, 20) Deis werk is nuu im höigstpunkt, ina letsta tijd. Taum airst mål ina geschicht, hät Jehovaa miljona lüür forsamelt fon ala nation ina wår religioun. (Offenbarung (Apocalipse) 7:9, 10) Dai wåra kristen sin organisijrt taum air dem andrer helpa un koråsch geewa. Ina gansa wild, sai häwa der neemliga program fon inleiren in eer forsamlunga. — Lees Hebräer (Hebreus) 10:24, 25.

 3. Wousou hät dai organisation fon Jehovaas Tüügen in deisa tijd anfunga?

Fon 1870 foirwärds, ain klain grup wat dai Bijbel studijra däira, häwa werer ruuterfunga bijblisch wårheiten wat lang tijd forgeeta wäira. Sai däira waita dat Jeisus dai gemaind organisijrt haar taum preegen. Un sou, häwa sai ain wild braid werk anfunga taum der Köinigreich preega. Im jår 1931, häwa sai dera nåme Jehovaas Tüügen uutsöcht. — Lees Apostelgeschichte (Atos) 1:8; 2:1, 4, 11; 5:42.

4. Wousou sin Jehovaas Tüügen organisijrt?

Im airst jårhuunerd, dai gemainda in feel läner haara hülp fon ain ainsig regijrend körperschaft. Deis regijrend körperschaft däir Jeisus as Her fona gemaind anneema. (Aposgeschichte (Atos) 16:4, 5) Hüüt, up dai neemlig årt, Jehovaas Tüügen ina gansa wild häwa hülp fon ain Regijrend Körperschaft, wat klauk ülster sin. Sai oiwersaia dai filiaalen fon Jehovaas Tüügen, wat publikations oiwerseta, updrüka un uutdaila taum Bijbel studijra in meir as 600 språka. Sou, dai Regijrend Körperschaft kan bijblisch koråsch un beleirung geewa taum meir as 100 duusend gemainda ina gansa wild. In jeirer gemaind, keirls wat dårtau beraid sin dijna sou as ülster. Deis keirls forsorga fon God sijn schåp mit lijb. — Lees 1. Petrus (1 Pedro) 5:2, 3.

Jehovaas Tüügen sin organisijrt taum dai gaura nijges preega, un jüngers måka. Sou as dai apostels, sai preega huus bij huus. (Apostelgeschichte (Atos) 20:20) Sai sin uk beraid taum dai Bijbel studijra mit lüür wat God gefala wila un dai wårheit lijba. Åwer Jehovaas Tüügen sin meir as ain organisation. Wij sin ain famijlch mit bruirer un swesters, wou sich air mit dem andrer bekümert un God is ous lijb fåter. (2. Tessalonicher (2 Tessalonicenses) 1:3) Dat Jehovaa sijn dijners organisijrt sin taum God gefala un andrer helpa, sai sin dai fröiligst famijlch upa Eir. — Lees Psalm (Salmo) 33:12; Apostelgeschichte (Atos) 20:35.