Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Bhaibheri Rinonangenyi?

Bhaibheri Rinonangenyi?

Ndiani kana icinyi Dhiabhu?

MAIZONANGA kuti Dhiabhu ndi . . .

  • Mundhu wo kumujimu?

  • Citatijo co ushati mukati mo mundhu?

  • Ciito co murangariro yo vandhu?

BHAIBHERI RINONANGENYI

Dhiabhu wakabhuya na Jesu zve ‘womueja’. (Mateu 4:1-4) Ngo kudaro Dhiabhu asipi ciro co kurangarijira, nee asipi citatijo co ushati. Iyena ndi mundhu wo kumujimu wakashata.

ZVICINYI ZVATINGAJIJAZVE KUBVA MU BHAIBHERI?

  • Dhiabhu wainga ngirozi yakacena, asi “aazivi kuvangirira mu bzokadi.” (Johani 8:44) Iyena wakava muyepi zve mupandukiri wa Mwari.

  • Ngirozi jimweni jakabatana pa kupandukira kwa Sathana.​—Apokalipsi 12:9.

  • Dhiabhu ari kupofomaja vandhu vazinjivatame kutenda kuti iyena ariyo.—2 VaKorinto 4:4, Shanduro yeNyika Itsva.

Dhiabhu angakwanisa kuvonerera vandhu?

VANDHU VAMWENI VANONANGA kuti Dhiadhu angatungamirira mundhu, kuveni vamweni vanothya kubatwa ngo mujimu jakashata. Munovonavo kudini?

BHAIBHERI RINONANGENYI

“Nokutibze nyika yese yo pasi iri mu nyara ya Sathana.” (1 Johani 5:19) Dhiabhu anova no kukwevejera kukuru kuno mushovo wese wo vandhu, asi iyena aavonereri vandhu vese.

ZVICINYI ZVATINGAJIJAZVE KUBVA MU BHAIBHERI?

  • Dhiabhu anoshandisa kucengeja kuti aengejere kukwevejera kwake.​—2 VaKorinto 11:14.

  • Mujimu wakashata nguva jimweni ungakwanisa kuvonerera vandhu.​—Mateu 12:22.

  • Mwari anomubesera kuti mubudirire pa “kurhwa na Sathana.”​—Jakobo 4:7.