Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MUSORO WO KUJIJA WO 12

Khombijanyi Kuti Munoneseka ngo Mazwiro o Vamweni

Khombijanyi Kuti Munoneseka ngo Mazwiro o Vamweni

‘Mwese ivanyi no murangariro wakafanana, mecizwirana usizi.’—1 PEDRU 3:8, Shanduro yeNyika Itsva.

NDUMBO 90 Vangisananyi Umwe no Umweni

ZVATICAJIJA *

1. Mukuzwirana na 1 Pedru 3:8, Shanduro yeNyika Itsva, ngenyi tinodakara ngo kutendenejwa ngo vandhu vanotaja mazwiro edu zve vanoda kuti tigarisike?

TINODAKARA ngo kutendenejwa ngo vandhu vanotaja mazwiro edu zve vanoda kuti tigarisike. Ivona vanoeja kujidira pa ndau yedu, ngo kueja kuzwisisa zvatiri kurangarira no kuzwa. Ivona vanozwisisa zvatinoda zve vanotibesera, pikija ticito tavakumbira kuti vatibesere. Tinoreremeja maningi vandhu vanokhombija kuti ‘vanozwirana usizi.’ *Verenganyi 1 Pedru 3:8, Shanduro yeNyika Itsva.

2. Ngenyi tinodikana kushanda ngo simba kuti tikhombije usizi?

2 Inga maKristu, tese tinoda kukhombija usizi. Zvokadi kamare, azvizivi kureruka kuita zvondhozvo. Ngenyi? Ngo ndava yo ciro cimwe basi, atizivi kukwana. (VaRoma 3:23) Ngo cibarihwe tiri vandhu vanorangarira zvedu basi, ngo kudaro, tinodikana kushanda ngo simba kuti tirangarirevo zvo vamweni. Cimweni, vamweni vedu vanonesehwa kukhombija usizi ngo ndava yo mugariro unonesa wo takasongana nawo kare. Cokupejisira, tingapsaswa ngo mugariro jo vandhu vakatitendeneja. Mu njiku jino jo kupejisira, vandhu vazinji avaneseki ngo mazwiro o vamweni. Zvokadi kamare, ivona ‘vanojida.’ (2 Timoti 3:1, 2, Baiberi Mazwi Akacena aMwari) Zvicinyi zvingatibesera kuti tinyise zvineso izvi pa kukhombija kuneseka kwedu ngo mazwiro o vamweni?

3. (a) Tingaitisa kudini nane pa kukhombija usizi? (b) Tinozovonenyi pa musoro uno?

 3 Tingaitisa nane kukhombija kwedu usizi ngo kutevejera Jehovha Mwari no Mwana wake, Jesu Kristu. Jehovha ndi Mwari wo rudo zve wakagaja muezaniso wakanaka wo kuzwira usizi vamweni. (1 Johani 4:8) Jesu no kukwana kwese wakanasa kutevejera mugariro wa Babake. (Johani 14:9) Pikija paainga pasi pano, iyena wakakhombija kuti vandhu vangakhombijisa kudini usizi. Pa musoro uno, tinozotanga ngo kuvona kuti Jehovha na Jesu vakakhombijisa kudini kuneseka ngo mazwiro o vamweni. Tevere, tinozovona kuti tingatevejeresa kudini muezaniso javo.

MUEZANISO WA JEHOVHA WO KUNESEKA NGO VAMWENI

4. Kuitisa kudini Isaia 63:7-9, Shanduro yeNyika Itsva, inokhombija kuti Jehovha anoneseka ngo mazwiro o vashandiri vake?

4 Bhaibheri rinojijisa kuti Jehovha anoneseka ngo mazwiro o vashandiri vake. Inga muezaniso, vonanyi kuti Jehovha wakazwa kudini, vaIziraeri vo kare povakasongana no zvineso. Soko ra Mwari rinonanga kuti: ‘Pa kutambujika kwavo kwese, nayenavo wakatambujika.’ (Verenganyi Isaia 63:7-9, Shanduro yeNyika Itsva.) Pa kufamba ko nguva, ecishandisa muporofita Zakaria, Jehovha wakananga kuti vashandiri vake povanoshaisha kutajwa, zvinoita inga ndiyena ari kushaisharo kutajwa. Jehovha wakati ku vashandiri vake: ‘Wiya anomupsasa, anopsasa mboni yo jiso rangu.’ (Zakaria 2:8, Shanduro yeNyika Itsva) Njira iyi inonasa kubaya mwoyo, tikasota matajire anoita Jehovha vandhu vake.

Usizi hwa Jehovha wakamuita kuti asujunure vaIziraeri mu uranda ku Ejipita (Vonanyi ndima 5)

5. Ipanyi muezaniso unokhombija kuti Jehovha anobesera vashandiri vake vari kutambujika.

5 Jehovha anoita zvizinji kusiyapo kuzwira usizi vashandiri vake vari kutambujika. Iyena anoita ciri cese kuti avabesere. Inga muezaniso, vaIziraeri povaitambujwa inga varanda ku Ejipita, Jehovha wakazwisisa kuhwajihwa kwavo zve wakandundihwa kuti avasujunure. Jehovha wakati kuna Mosi: “Ndakavona mararamiro o bonezi o jinja rangu . . . , Ndazwa kukhuwa kwavo . . . Ndinoziva matambujiko avo. Ndibzo ndaderuka kuti ndivasujunure mu nyara jo vaEjipiti.” (Exodo 3:7, 8) Zvecivoneka kuti Jehovha wakazwira usizi vandhu vake, iyena wakavasujunura ku uranda. Mazana o  makore akapera, mu Nyika yo Cipikihwa, vaIziraeri vakahwiswa ngo vavengi. Jehovha wakadavirisa kudini? “Mwari wainga no unyaxa ngo kugomera kwavo pambeji po vaxuphi no vatevereri vavo.” Pa bvaza iyiizve, usizi wakandundira Jehovha kuti abesere vandhu vake. Iyena wakagaja vatongi kuti vaponese vaIziraeri ku vavengi vavo.—Vatongi 2:16, 18.

6. Ipanyi muezaniso wo kuti Jehovha anokhombijisa kudini kuti anoneseka ngo mazwiro o mundhu ano murangariro wakaposeka.

6 Jehovha anokhombija kuti anoneseka ngo mazwiro o vandhu vake pikija paanovona kuti murangariro wavo wakaposeka. Vonanyi muezaniso wa Jona. Mwari wakatuma muporofita wake kuti aende kozivisa masoko o rutongeso ku Ninivha. Povakakhauya, Mwari wakasana kutama kuvaparaja. Asi, Jona aazivi kudakara ndizvona. Iyena ‘wakanyangajwa’ ngokuti ciporofita cake acizivi kukwanirisika. Asi, Jehovha wakava anosengerera na Jona zve wakamubesera kuti acinje murangariro wake. (Jona 3:10–4:11) Pa kufamba ko nguva, Jona wakazwisisa kuti Jehovha wainga ecida kumujijisenyi zve wakashandiswa ndi Jehovha kuti atare ngo zvakamuitikira kuitira kutibesera.—VaRoma 15:4. *

7. Manera anoneseka Jehovha no vashandiri vake anotigondesenyi?

7 Kuneseka kunoita Jehovha no vandhu vake kunotigondesa kuti iyena ano usizi no vashandiri vake. Iyena anozwisisa kuhwajihwa kwedu no kutambujika kunoita umwe nga umwe wedu. Jehovha ‘anoziva mwoyo yo vandhu!’ (2 Kronike 6:30) Anozwisisa mazwiro edu o mukati, murangariro wedu no kutama kwedu kukwanisa kuita zvimweni. ‘Yena aatendi kuti tiejwekupinda simba redu.’ (1 VaKorinto 10:13) Cigondiso ici cinotivangisa maningi!

MUEZANISO WA JESU WO KUNESEKA NGO VAMWENI

8-10. Zviro zvitatu zvapi zvakabesera Jesu kuti aneseke no vamweni?

8 Jesu paainga pasi pano, iyena waineseka ngo mazwiro o vamweni. Painga no zviro zvitatu zvakamubesera kuti akwanise kuita zvondhozvo. Cokutanga, inga zvanangwaya pa kutanga, Jesu wakanasa kutevejera mugariro ja Babake vo mugore. Inga ndi Babake, Jesu waida vandhu. Pikija waidakara ngo kubesera Jehovha pa kuita zvimweni, Jesu ‘waidakara no vandhu.’ (Mazwi Akangwara 8:31) Rudo wakandundira Jesu kuti aneseke ngo mazwiro o vamweni.

9 Cocipiri, inga Jehovha, Jesu waikwanisa kuvona zviri mu mwoyo. Iyena waikwanisa kuziva zviri mu mwoyo wo mundhu no mazwiro ake. (Mateu 9:4; Johani 13:10, 11) Ngokudaro, Jesu paaizwisisa kuti painga no vandhu vano mwoyo wakakhuvazika, waineseka ngo pamusoro pavo zve waivaembezera.—Isaia 61:1, 2; Luka 4:17-21.

10 Cocitatu, Jesu pacake wakasongana no zvineso zvaisongana no vandhu vamweni. Inga muezaniso, zvinovoneka inga kuti Jesu wakarehwa mu mbhuri icina zvizinji kunyama. Ngo kushanda na baba vakamurera, Josefa, Jesu wakajijira kuita basa ngo simba. (Mateu 13:55; Marco 6:3) Zvinovoneka inga kuti Josefa wakafa Jesu acito apeja mushando wake pa nyika. Ngokudaro, Jesu wakahwajihwavo ngo kuruza mundhu anodiwa mu rufu. Zve Jesu waiziva revo yo kugara pa mbhuri ino mavonero akasiyana ngo pamusoro po zvokunamata. (Johani 7:5) Mugariro jondhojo no jimweni hajo, jakabesera Jesu kuti azwisise zvineso no mazwiro o vamweni.

Naasiya ndhambo uzinji ukuru, Jesu no unyasha hwese wakarapa mwanarume nyamandondo (Vonanyi ndima 11)

11. Kuneseka kwa Jesu kwakanasa kuvoneka papi? Sananguranyi. (Vonanyi pikica yo pa kapa.)

 11 Kuneseka kwa Jesu kwainasa kuvoneka, maningi-ningi paiita mushamaiso. Jesu acaiita mushamaiso basi ngokuti waitodavo hake kuzviita. Iyena ‘waizwira unyasha’ vese vaitambujika. (Mateu 20:29-34; Marco 1:40-42) Inga muezaniso, rangariranyi mazwiro akava na Jesu paakatora mwanarume wainga nyamandondo kuti amurape kana paakamusa mwana umwe ega wo noni. (Marco 7:32-35; Luka 7:12-15) Jesu waizwira usizi vandhu vondhovo zve waida kuvabesera.

12. Kuitisa kudini Johani 11:32-35, inokhombija usizi wakava na Jesu kuna Marita na Mariya?

12 Jesu wakazwira usizi Marita na Mariya. Paakavona kusuruvara kwavo ngo ndava yo rufu wo hama yavo, Razaro, “Jesu wakacema.” (Verenganyi Johani 11:32-35.) Iyena aazivi kucema ngokuti wainga waruza shamwari yake yo phedo. Kusiyapo izvo, iyena waizviziva kuti waizokwanisa kumusa Razaro. Zvokadi kamare, Jesu wakacema ngo ndava yo kuhwajihwa kwainga no shamwari jake ngo pamusoro po kufa kwa Razaro.

13. Ngenyi zvinotivangisa kuziva kuti Jesu ano usizi no vandhu?

13 Kuziva kuti Jesu wainga no usizi no vandhu zvinotivangisa maningi mejhu. Zvokadi kamare, Jesu wainga wakakwana asi itusu atizivi kukwana. Hina, tinomuda ngokuti iyena anotaja vandhu vamweni mu njira yo usizi. (1 Pedru 1:8) Tinovangiswa ngo kuziva kuti wari iyena ari kutonga inga Mambo wo Umambo hwa Mwari. Sasambi iyena anozopeja matambujiko ese. Zvecivoneka kuti Jesu wakaponavo pasi pano, ndiyena anokwanisa ushoni kubesera vandhu vari kuneswa ngo utongi hwa Sathana. Zvokadi kamare, takakomborehwa ngo kuva no Mutongi ‘angakwanisa kuzwira unyaxa kurembejeka kwedu.’—Vaheberi 2:17, 18; 4:15, 16.

TEVEJERANYI MUEZANISO WAKAGAJWA NDI JEHOVHA NA JESU

14. Pa kupera kuvona VaEfeso 5:1, 2, Shanduro yeNyika Itsva, mazwiro edu anotindundira kuti tiitenyi?

14 Patinorangarijisisa ngo pamusoro po muezaniso wakagajwa ndi Jehovha na Jesu, tinondundihwa kuti tiejevo kukhombija usizi. (Verenganyi VaEfeso 5:1, 2, Shanduro yeNyika Itsva.) Itusu atikwanisi kuvona zviri mu mwoyo inga zvovanoita. Pikija zvakadaro, tingaeja kuzwisisa mazwiro no zvinoda vamweni. (2 VaKorinto 11:29) Mukusiyana no vandhu vano umbau vo nyika ino, itusu tinovangiswa kuti titame ‘kupsaka bzatinodakarira basi, kaveta tipsake bzinodakajisa vamweni.’—VaFilipi 2:4.

(Vonanyi ndima 15-19) *

15. Ndiani kamare anodikana kukhombija usizi?

15 Maningi-ningi vakuru vo ungano, vanodikana kukhombija usizi. Ivona vanozodavira ndava kuna Jehovha ngo matajire o vanoita mabvuta ake. (Vaheberi 13:17) Kuti vabesere hama no hambzaji javo, vakuru vanodikana kuva no usizi. Vakuru vangakhombijisa kudini usizi?

16. Mukuru ano usizi anoitenyi zve ngenyi zvinosisira?

16 Mukuru ano usizi anopeja nguva no hama no hambzaji jo ciKristu. Iyena anoita mubvunjo perapo anonasa kupurukira zve anosengerera. Izvi zvinosisira maningi kudari bvuta rimwe rinodiwa parinoda kunanga zviro zviri mu mwoyo mwaro no mazwiro aro, asi no kucunga kwese anodikana kuwana magama aushoni. (Mazwi Akangwara 20:5) Mukuru paanopeja nguva no hama jake, anovangisa ushamwari hwavo zve rudo hwavo unovanga. —Maitiro o Vapostori 20:37.

17. Hama no hambzaji zinji jinonanga kuti i mugariro wapi wajinodakarira maningi ku vakuru? Ipanyi muezaniso.

17 Hama no hambzaji zinji jinonanga kuti mugariro wo jinodakarira maningi ku vakuru  vo ungano, i kuzwira kwavo usizi vamweni. Ngenyi? Hambzaji Adelaide yakananga kudari: “Mugariro uwu, unoita kuti kubhuya navo kureruke ngokuti unoziva kuti vanozokuzwisisa.” Iyona yakaengejera eciti: “Ungazwisisa kuti vano usizi newe ngo manera ovanodavira paunonga wecibhuya navo.” Imwe hama inobongesera ngo njira yo yakatajwa ngo vakuru, yakati: “Ndakavona musoji jiciderera mu meso mo umwe mukuru, pondainga ndecimubvunja ngo pamusoro po mugariro wangu. Mazuva ese ndinoramba ndecizviceukija.”—VaRoma 12:15.

18. Tingasakuririsa kudini usizi no vamweni?

18 Zvokadi kamare, asipi vakuru basi vanodikana kukhombija usizi. Tese tinodikana kusakurira mugariro uwu. Kuitisa kudini? Ejanyi kuzwisisa zvineso zviri kusongana no vandhu vo pa mbhuri yenyu pomwe no vatendi doni venyu. Khombijanyi kuti munoneseka no vaaruki vari mu ungano yenyu, kubatanijavo vanohwaja, vasharuka pomwe no vaya vakaruza vadiwa vavo mu rufu. Vabvunjisenyi kuti zviri kufambisa kudini. Nasanyi kuvapurukira pavanonga vacinanga mazwiro avo. Vakhombijenyi kuti munonasa kuzwisisa mugariro wavo. Zvipirenyi kuti muvabesere mbhera pamunokwanisa. Patinoita zvondhozvo, tinokhombija rudo hwokadi kamare.—1 Johani 3:18.

19. Ngenyi tinodikana kuva vacikanesi patinoeja kubesera vamweni?

19 Tinodikana kuva vandhu vacikanesi patinoeja kubesera vamweni. Ngenyi? Ngokuti vamweni vanohwisana no zvineso mu njira yakasiyana. Vamweni vanonesehwa kubhuya, kuveni vamweni vanotothya kunanga zvineso zvavo. Ngokudaro, tinoda kuvabesera, asi atidikani kuvaita mubvunjo jinovaita kuti vatame kujizwa ushoni. (1 VaTesalònika 4:11) Pikija vamweni povanotibvunja mazwiro avo, nguva jimweni zvingaita kuti atizwirani no zvanangwaro. Hina, tinodikana kuceukija kuti awo i mazwiro avo. Ngo iyo ndava, tinodikana kukasika kupurukira zve tononoka kudavira.—Mateu 7:1; Jakobo 1:19.

20. Pa musoro unotevera tinozobhuya ngenyi?

20 Kusiyapo basi kukhombija usizi mu ungano, tinodikana kukhombija mugariro uwu mu mushando. Tingakhombijisa kudini kuti tino usizi patinonga tecicumaera? Tinozobhuya ngo pamusoro pazvo pa musoro unotevera.

NDUMBO 130 Ivanyi Munoregerera

^ ndim. 5 Jehovha na Jesu vanoneseka ngo pamusoro po mazwiro o vamweni. Pa musoro uno, tinozovona kuti tingajijenyi ngo muezaniso javo. Tinozovonazve kuti ngenyi tinodikana kukhombija kuti tinozwirana usizi zve tingazviitisa kudini.

^ ndim. 1 MAGAMA AKASANANGUHWA: ‘Kuzwirana usizi’ kunoreva kueja kuzwisisa mazwiro o vamweni no kujizwa inga ndisu kamare. (VaRoma 12:15) Pa musoro uwu, magama o kuti ‘kuzwirana usizi’ no ‘kutaja’ ano revo yakaezana.

^ ndim. 6 Jehovha wakakhombijazve usizi ku vashandiri vamweni vakagondeka povainga vacithya. Vonanyi muezaniso wa Ana pana (1 Samueli 1:10-20), Eriya pana (1 Majimambo 19:1-18), pomwe na Ebhedhi mereki pana (Jeremia 38:7-13; 39:15-18).

^ ndim. 65 KUDURUJIHWA KO PIKICA: Musongano pa Nyumba yo Umambo unotipekeja mukana jo kuvangisa ushamwari hwedu. Tiri kuvona (1) umwe mukuru ari kubhuya no mucumaeri ari mujaha na mai wake, (2) tiri kuvona baba no mwana wavo wokaji vari kubesera hambzaji yaamusharuka kuti igume kuno karu zve (3) vakuru vaviri vari kunasa kupurukira hambzaji painonga yecipsaka besero.