Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Mungaitisa Kudini kuti Jijo Yenyu yo Bhaibheri Inase Kubudirira no Kudakajisa

Mungaitisa Kudini kuti Jijo Yenyu yo Bhaibheri Inase Kubudirira no Kudakajisa

JOSHUWA waidikana kutungamirira jinja ro Iziraeri pa kunghwina mu Nyika yo Cipikihwa. Iri raizova basa rinonesa maningi. Asi, Jehovha wakamuvangisa no kumucungisa ngo kumubvunja kudari: “Vangai no kucunga.” Iyena wakabvunja Joshuwa kuti kudari akaverenga Mutemo no kuuzwira, waizokwanisa kutema zvivaringo zvo ungwaru zve waizobudirira.—Joxwa 1:7, 8.

Tiri kupona mu “mukuvo wokunesa,” ngo kudaro, maponero edu angavavo anonesa maningi. (2 Timoti 3:1) Kudari tecida kubudirira inga ndi Joshuwa, tinodikana kuteverera mbhangiro yatinopuwa ndi Jehovha. Tinodikana kuverenga Bhaibheri nguva jese no kushandisa zvatinoverengemo kuti titeme zvivaringo zvaushoni.

Asi zvingaita kuti vamweni vedu atizivi kuti tingajijisa kudini, kana tingatama kuva no jijo inodakajisa. Asi, jijo yo Bhaibheri yo mundhu ega inosisira maningi. Pamunonga mecipopora bhokiso rinoti, “ Ejanyi Kushandisa Mazano Aya,” munozowana mafundo anozomuita kuti munase kubesereka no kudakajihwa ngo jijo yenyu.

Mutari wo nduyo wakaimba kudari: “Ndisesejenyi mu gwanja ro mupango yenyu, ngokuti mu gwanjero muno kudakara kwangu.” (Nduyo 119:35) Imwimwi mungadakajihwavo ngo kujija Soko ra Mwari. Munozofumbhura murangariro jakawanda jinodakajisa pamunoenderera mberi mecijija Bhaibheri.

Pikija hazvo kuti imwimwi amuripi kuda kutungamirira jinja inga ndi Joshuwa, imwimwi muno zvineso zvenyu. Waro, mukufanana na Joshuwa, jijanyi no kuzwira Soko ra Mwari. Mukaita kudaro, munozotema zvivaringo zvo ungwaru zve munozobudirira.