Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Hama Kenneth E. Cook, Jr., no mukaji wavo, Jamie Cook

Hama Imbza yo vo Mukhumbi Unotonga

Hama Imbza yo vo Mukhumbi Unotonga

MANGWANANI o mu citatu, njiku 24 ya Janeiro wo 2018, mbhuri yo Bheteri ro ku Estadhus Unidhus no yo ku Kanadhaa yakapuwa ciziviso cinodakajisa maningi. Hama Kenneth Cook.Jr., vakagajwa kuva umwe wo vo Mukhumbi Unotonga wo Zvapupu zva Jehovha.

Hama Cook wakabahwa no kukurira ku estadhu yo Pennsylvania, Estadhus Unidhus dha Amerika. Ivona vakajija cokwadi no mudoni wo ku cikora zve vakabhabhatijwa mu njiku 7 ya Junho wo 1980. Vakatanga kushanda inga piyona wo nguva jese mu njiku 1 ya Setembro wo 1982. Pasure po kushanda inga piyona ko makore maviri, vakakokwa kuti vaende koshanda ku Bheteri ro Wallkill, Novha Yorki, mu njiku 12 ya Outubro wo 1984.

Mu makore 25 akazotevera, hama Cook vakaita mabasa akasiyana-siyana, mu ndau jo Kudhindhira mabhuku no mu dhepartamento rinokorondha vanogara pa Bheteri. Mu gore ro 1996, ivona vakacadha na hambzaji Jamie zve iyona yakatanga kushanda na hama Cook mu basa ro Bheteri ku Wallkill. Mu mweji wa Dezembro wo 2009, hama na Hambzaji Cook vakacinjwa kuti vaende kooshanda ku Cine ro Kujijisa ro Watchtower ku Patterson, Novha Yorki, kondhoyo Hama Cook vakagajwa kuti vashande ku Departamento rinodavira mubvunjo jo shwiro jo mu Bhaibheri. Mu mweji wa Abril wo 2016, povakahwirira ku Wallkill ko cimukuvo cidoko, Hama na Hambzaji Cook vakacinjwa kuti vaende koshanda ku Brooklyn, Novha Yorki. Mu mweji wa Janeiro wo 2017, Hama Cook vakagajwa kuti vashande inga mubeseri wo departamento ro Komisau ro Kutara ro Mukhumbi Unotonga.