Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Maizvizia Here?

Maizvizia Here?

Muzana ro kutanga ro makore, zvicinyi zvaaidikana kuita mundhu waida kuita hwendo ngo piketi?

MU NGUVA jo mupostori Pauro, akucainga no piketi yaipakija vandhu basi. Mundhu waida kuita hwendo ngo piketi, waidikana kubvunjisa vamweni, kudari vanoziva piketi inotwara zviro iri kwenda kwaanoendaro zve kudari icikwanisa kumutora. (Maitiro o Vapostori 21:2, 3) Kudari piketi airipi kwenda kwaarikudaro kamare, iyena waidikana kuipakira woenda kobzuka painocevera, wopsaka piketi imweni iri kuenda phedo no kwaanodaro.—Maitiro o Vapostori 27:1-6.

Hwendo ngo mu jombe kazinji waiitiwa mu nguva kwayo pa gore, cimwenizve piketi ajicainga no urongwa wakagajwa. Hwendo hwo piketi aucaicinjwa basi ngo ndava yo mbhepo asi ngo ndava yo zviro zvinoitisa maninji. Inga muezaniso, kudari vafambisi vo piketi povaivona gunguhwe kana gunguhwo rakamata pa bote ro piketi kana piketi imweni yamosheka vainanga kuti i maninji. Asi povaivona kuti akuna mbhepo vafambisi vo piketi vaikwanisa kupinda ngo kukasika. Pakupera kuwana piketi kuti aite hwendo hwake iyena waigara no mujiyo jake panocevera piketi aciimira kudanijwa kuti apinde.

Ku Roma yo kare, akucainesa maningi kuwana piketi kuitira kuita hwendo. Umwe mutari wo ndhorovondho Lionel Casson wakati: “Ku Roma piketi jaiceva pa murambo Tibheri. Phedo no dhorobha ro Óstia painga no muthundu wakakura wainga no hofisi. Uzinji wo hofisi iji jainga jo vatengi vaibva ku nyika jakasiyana-siyana: Umwe wainga wo Narbonne [wari i Fransa] umweni wainga wo Cartago [wari i Tuniziya] no nyika jimweni. Ngokudaro, wiya waida kuita hwendo ngo piketi, waidikana kubvunjisa hofisi jo mu dhorobha jaiita divi ro nyika yaaidaro kwenda.”

Mundhu waiita hwendo ngo piketi waikasika kuguma, asi paingavo no zvineso. Pa hwendo hwake wo misionario, Pauro wakandondomera kakawanda.—2 VaKorinto 11:25.