Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Muno Mazwiro a Jehovha ngo Pamusoro po Zvakarungama Here?

Muno Mazwiro a Jehovha ngo Pamusoro po Zvakarungama Here?

“Inini ndinotokotesa zina ra Tenji Mwari; . . . Mwari wokadi-kadi, acina bzicikazivi kururama.”DEUTERONÒMIO 32:3, 4.

NDUMBO: 110, 2

1, 2. (a) Ngo zvapi zvicizivi kurungama zvakaitihwa Nabhoti no vana vake? (b) Mugariro japi muviri jinodiwa jaticazojija pa musoro uno?

VANARUME vaviri vashati vakapumbha mwanarume umweni kuti wainga wakashaisha maningi. Kupumbhwa uku, kwainga ko kunyepa. Asi wakanangwa kuti wainga no ndava zve waidikana kuurawa. Rangariranyi basi vandhu vaidisisa zvakarungama mazwiro ovakava nao pavaivona mwanarume uu acina ndava no vana vake vecifuhwa ngo mapuwe mbhera kufa! Iyi asipi ngano. Zvakaitikadi kamare no umwe mushandiri wakagondeka wa Jehovha waidanijwa Nabhoti waipona mu nguva yaitonga Mambo Akhabhi.1 Majimambo 21:11-13; 2 Majimambo 9:26.

2 Pa musoro uno, ticazobhuya ngo zvakaitika na ­Nabhoti. Ticazobhuyavo ngo kuposa kukuru kwakaitwa ngo umwe mukuru wakagondeka wo ungano yo ciKristu. Muezaniso muviri  iji, jinozotikhombija kuti kujidodokesa no kuda kuregerera zvinosisira maningi kudari tiri kuda kuva no mazwiro a Jehovha ngo pamusoro po urungami.

KUTAMA KURUNGAMA KWAKASHATISISA

3, 4. Nabhoti wainga mundhu wo mushovonyi, zve ngenyi wakaramba kutengesera Mambo Akhabhi munda wake wo muuvha?

3 Nabhoti wainga akagondeka kuna Jehovha pa nguva yo kuti vaIziraeri vazinji vaiteverera muezaniso wakashata wa Mambo Akabhi no makuji wake, Hosi Jezabheri, wainga mushati. Ivona vainamata cimwari co manyepo caizwi Bhaari zve avacaireremeja Jehovha kana mutemo jake. Asi Nabhoti waireremeja ushamwari hwake na Jehovha kupinda mukaji wake.

4 Verenganyi 1 Majimambo 21:1-3. Akhabhi paakamukumbira kutenga munda wo muuvha wa Nabhoti kuti amupe umweni waipinda kunaka, Nabhoti wakaramba. Ngenyi? No nderemejo yese iyena wakasanangura kudari: “Ngo zina ra Tenji, andikwanisi kukutengesera ndhaka yo majibaba angu.” Nabhoti wakaramba cikumbiro ici ngo kuti mutemo wa Jehovha kuno vaIziraeri wairambija kutengesa ndhaka. (VaLevi 25:23; Bzviverengo 36:7) Zvakajeka kuti Nabhoti waizwira Jehova.

5. Jezabheri wakaitenyi kuti awane munda wo muuvha wa Nabhoti?

5 Nabhoti paakaramba kutengesa munda wake wo muuvha, Mambo Akhabhi no mukaji wake vakaita zvakashata maningi. Kuti vakwanise kuwana munda wiya, Hosi Jezabheri wakapsaka vanarume vaviri kuti vapumbhe Nabhoti kuti wainga wakapara ndava. Inga muviyo, Nabhoti no vana vake vakaurawa. Jehovha wakaitenyi ngo ndava yo ciito ici cinozizimusa co kutama kurungama?

URUNGAMI HWA MWARI

6, 7. Jehovha wakakhombijisa kudini kuti waida zvakarungama, zve ngenyi izvi kangaije zvakatondhoja ukama no shamwari ja Nabhoti?

6 Ciriporipoco Jehovha wakatumira muporofita Erija koobvuja Akhabhi ngo ndava yo kuposa kwake. Erija wakabvunja Akhabhi kuti wainga muurayi zve mbabva. Jehovha wakaitongesa kudini ndava iyi? Akhabhi, mukaji wake no vana vake vaizourawa, inga zvakaizwaya Nabhoti no vana vake.1 Majimambo 21:17-25.

7 Ukama no shamwari ja Nabhoti vainga vakasuruvara maningi ngo zvakaitari Akhabhi. Asi Jehovha wakavona kuti uko kwainga kutama kurungama zve wakatonga ngo kukasika. Kuita kudaro kangaije kwakavatondhoja maningi. Asi, kujidodokesa no kuthemba kwavo Jehovha kangaije kwakaejwa ngo zvakazoitika tevere.

Erija wakabvunja Akhabhi kuti zvecivoneka kuti, wainga ajidodokesa Jehovha aacaizomupanica

8. Akhabhi wakaitenyi paakazwa zvaainga atongehwa ndi Jehovha, zve ngo wapi wakava muviyo?

8 Akhabhi naazwa zvaainga atongehwa ndi Jehovha, “wakamwesa bzokusimira, wakaera kuha; waivata akasimira mapendera, waifamba padoko padoko.” Akhabhi wakajidodokesa! Ngo wapi wakava muviyo?  Jehovha wakabvunja Erija kudari: “Ngokuti wakajidodokesa, andizomutumiri khombo pa kurarama kwake; ndinozoritumira panyezuru po mbhuri yake pa kurarama ko mwana wake.” (1 Majimambo 21:27-29; 2 Majimambo 10:10, 11, 17) Jehovha, ‘mupopori wo mwoyo,’ wiyana anokwanisa kuvona zvatiri kamare, wakaitira unyasha Akhabhi.Mazwi Akangwara 17:3, Shanduro yeNyika Itsva.

KUJIDODOKESA KUNOBVIKIRA

9. Kujidodokesa kwakabvikira kudini ukama no shamwari ja Nabhoti?

9 Ukama no shamwari ja Nabhoti pavakazwa kuti Akhabhi no mbhuri yake avacaizopanicwa mbhera kufa ka Akhabhi, gonda ravo kuna Mwari rakava pa muejo. Asi kujidodokesa kangaije kwakabvikira gonda ravo. Ngenyi? Ngo kujidodokesa, ivona vaizokwanisa kuramba vecinamata Jehovha, vecithemba kuti narini Mwari aazoiti zvicizivi kurungama. (Verenganyi Deuteronòmio 32:3, 4.) Kumbejiyo, ukama hwa Nabhoti unozodakara ngo kuva no makomborero o kuvona vadiwa vavo vecimuswa. Kunozova no urungami wakakwana unozoitihwa Nabhoti no vana vake. (Jobe 14:14, 15; Johani 5:28, 29) Mundhu anojidodokesa anoziva kuti “Mwari anozotonga basa  rese, nokunyati rakafisika, kuti avone kudari rakanaka nokuti rakaxata.” (Mucumaeri 12:14) Jehovha anoziva zvaticikakwanisi kuziva. Ngo kudaro, kujidodokesa kunotibvikira kuti titame kuruza gonda redu kuna Jehovha.

Kujidodokesa kunotibvikira kuti titame kuruza gonda redu kuna Jehovha

10, 11. (a) Mugariro japi jingadira pa muejo cido cedu co kuva vakarungama? (b) Kujidodokesa kunozotibesera ngo njira japi?

10 Munozodavirisa kudini kudari vakuru vakatema civaringo camucikanasi kuzwisisa? Inga muezaniso, munozozwa kudini kudari ari wese wamunoda maningi akaruza mutoro waainga nawo mu sangano ra Jehovha? Munozodini kudari womakarovorana naye, mwana kana shamwari yenyu yo phedo ikajingwa motama kutenderana no civaringo catemwa ngo vakuru? Munozodini kudari mukavona kuti vakauru vakaposa ngo kuregerera ari wese wainga ashaisha? Mugariro iji jingadira pa muejo gonda redu kuna Jehovha no matungamirire aari kuita ungano yake nyamasi uno. Kujidodokesa kunozomubvikira kudini kudari mukaejwa pa umwe wo mugariro jakadari? Ngativone njira mbiri.

Munozodini kudari vakuru vakaita ciziviso vecinanga zvamucikatenderani nazvo? (Vonanyi ndima 10, 11)

11 Co kutanga, tikava vanojidodokesa, tinozodavira kuti atizivi zvese zvinobatanijwa pa shwiroyo. Pikija tikarangarira kuti tinoziva zvese ngo pamusoro po shwiroyo, atibviri kukanganwa kuti Jehovha basi ngaanoziva zviri mu mwoyo mo mundhu. (1 Samueli 16:7) Tikaceukija izvi no kuzvidodokesa kwese, tinozodavira kuti atikwanisi kuziva zvese zve tinodikana kucinja murangariro wedu. Co cipiri, tikavona kana kuitihwa zvicizivi kurungama, kujidodokesa kunozotibesera kuzwira no kusengerera tecivetera kuti Jehovha arungamise mugarirowo. Bhaibheri rinonanga kudari: “Vaya vanothya Mwari, vanozoitihwa bzakanaka.” Bhaibheri rinonangazve kudari: “Asi muxaixi aazoitihwi bzakanaka: inga bvute, mazuva ake aazowandi.” (Mucumaeri 8:12, 13) Kudari tikaramba tecijidodokesa, tinozobesera vese vari kubatanijwa pa shwiro yondhoyo.Verenganyi 1 Pedru 5:5.

MUNDHU WAICENGEJERA MU UNGANO

12. Ndhorovondho yapi yatiri kuda kuzwa wari, zve ngenyi?

12 MaKristu ku Antiokia yo Siriya akasongana no mugariro wakaeja kujidodokesa no kuregerera kwao. Ngativone ndhorovondho yakona kuti tiishandisa kuitira kupopora mavonero atinao ngo pamusoro po kuregerera. Zvicazotibesera kuzwisisa kuti ngenyi Jehovha anoshandisa vandhu vacikazivi kukwana, acikarerusi mupango jake.

13, 14. Mabasa api akaitwa ndi mupostori Pedhru, zve iyena wakakhombijisa kudini kuti wainga akacunga?

13 Mupostori Pedhru wainga mukuru wainasa kuzivika ngo maKristu okutanga. Iyena wainga shamwari yo phedo ya Jesu zve wainga no basa rinosisira maningi. (Mateu 16:19) Inga muezaniso, mu gore ro 36, Pedhru wakagajwa koocumaera Kornerio no vopamuzi pake. Ngenyi basa iri rakava rinosisira maningi? Ngo kuti Kornerio aacainga  muJudha, wainga wo Majinja acizivi kusokwa. Kornerio no vo pamuzi pake pavakaashira mujimu mucena, Pedhru wakazwisisa kuti vaidikana kubhabhatijwa inga maKristu. Iyena wakati: “Ndiani anokwanisa kuvarambisa kumwa yo rubapatizo ava vakaaxira mujimu mucena pamwepo na itisu?”Maitiro o Vapostori 10:47.

14 Mugore ro 49, vapostori no vakuru ku Jerusarema vakasongana kuti vateme civaringo ngo pamusoro po kuti maKristu ainga o Majinja aidikana kusokwa kana kuti haiwa. Pa musongano wondhowo, Pedhru, akacunga, wakaceukija hama kuti, iyena kamare wainga akavona vandhu vo Majinja vacizivi kusokwa veciashira mujimu mucena. Kuziva kwake zvondhozvo kwakabesera mukhumbi unotonga kutema civaringo. (Maitiro o Vapostori 15:6-11, 13, 14, 28, 29) MaKristu o ciJudha no o Majinja, kangaije akabonga maningi ngo kucunga kwake pa kunanga zvaainga akavona zveciitika kamare. Zvokadi, maKristu awo okutanga ainga no mathangwe akavanga kuti athembe mwanarume uwo wakagondeka zve wakaibva!Vaheberi 13:7.

15. Pedhru wakaposenyi paainga ku Antinokia yo Kusiriya? (Vonanyi pikica yo kutanga.)

15 Pasure po musongano wakaizwaya ku Jerusarema, Pedhru wakabvakacira ungano yo Antiokia yo Siriya. Naari kondhoyo, wakaenda kobungaija no hama jainga jo Majinja. Rangariranyi basi manera ovaidakarira kujija no kuzwa zivo yainga na Pedhru. Ngo kudaro vainga no thangwe ro kukahamara no kukhugunyika iyena paakasiya kuha navo. Iyena wakaitisavo kuti maKristu amweni o ciJudha pamwepo na Bharnabha, vaitevo kudaro. Ngenyi mukuru wakaibva wo ciKristu, waizoita ciito cakashata cakadaro, caitokwanisa kupaura ungano? Kusiyapo izvo, zvatinojija ngo kuposa ka ­Pedhru kungatibesera kudini kudari tikanyangajiswa ngo magama kana zviito zvo mukuru ari wese?

MaKristu o Majinja akaposehwaya ndi Pedhru aizoidini?

16. Pedhru wakapangihwa kudini, zve ngo japi mubvunjo jinobudepo?

16 Verenganyi VaGalàsia 2:11-14. Pedhru wakathya vandhu. (Mazwi Akangwara 29:25) Iyena waimaziva mazwiro a Jehovha ngo pamusoro po vo Majinja. Pikija zvakadaro, waithya kuti maKristu o ciJudha akasokwa o Jerusarema aizomurerusa ngo kushamwarijana no maKristu o Majinja. Mupostori Pauro wakamudanija kuva mucengeji. Ngenyi? Ngo kuti Pauro wainga akazwa kuti Pedhru wakabvikira maKristu o Majinja pa musongano wo Jerusarema mu gore ro 49. (Maitiro o Vapostori 15:12; VaGalàsia 2:13) MaKristu o Majinja akaposehwaya ndi Pedhru aizoitenyi? Aizotendera kukhugunyika ngo ciito ca Pedhru here? Kunanga kuti Pedhru waizoruza mutoro jaainga najo mu basa ra Jehovha here?

IVANYI ANOREGERERA

17. Pedhru wakabesereka kudini ngo kuregerehwa ndi Jehovha?

17 Pedhru wakajidodokesa wotendera kupangihwa ndi Pauro. Matahwa aanangi kuti Pedhru wakaruza mutoro uri wese  mu basa ra Jehovha. Zvokadi, pakufamba ko nguva wakafemehwa kuti atare karata mbiri jinowanika mu Bhaibheri. Pa karata yake yo cipiriri, wakatodanija Pauro kuva “hama yedu” inodiwa. (2 Pedru 3:15) Kuposa ka Pedhru kangaije kwakahwaja maKristu o Majinja. Asi, Jesu, musoro wo ungano, wakaramba ecimushandisa. (VaEfeso 1:22) Hama no hambzaji mu ungano jainga no mukana wo kutevejera Jesu na Baba wake ngo kuregerera Pedhru. Tinovetera kuti akuna na umwe wavo wakakhugunyika ngo kuposa kwake.

18. Mugariro japi jinokumbira kuti tikhombije urungami hwa Jehovha?

18 Mu ungano yo ciKristu yo kutanga amucainga no mukuru umwe hake wakakwana, zve mu ungano jo ciKristu nyamasi uno amunavo. Bhaibheri rinonanga kudari: “Tese tinoxaixa ruzinji.” Tingatozviziva hedu, asi tinozodini kudari tikaposehwa ngo hama? Tinozotevejera urungami hwa Jehovha here? Inga muezaniso, munozodini kudari mukuru akabhuya mazwi anovonesa kuva o mukheto? Kudari mukuru akabhuya zvicikashandi, zvinomunyangaja kana kumuhwaja, munozokhugunyika here? Pa ndau pokukasika kurangarira kuti hama yondhoyo aicaidikana kuva mukuru, munozova anosengerara pa kuvetera Jesu, musoro wo ungano azvitonge here? Kusiyapo kusotesesa kuposa ko mukuruwo, munozoceukija kuti iyena ano makore akawanda yecishandira Jehovha akagondeka here? Kudari hama yondhoyo yakamushaishiraya iri kundoramba yecishanda inga mukuru, kana iri kutoashirazve mabasa amweni, munozodakara ndizvona here? Mukaregerera, munokhombija kuti muri kutevejera urungami hwa Jehovha.Verenganyi Mateu 6:14, 15.

19. Tinodikana kutema civaringo co kuitenyi?

19 Ngo kuti tinoda urungami, tiri kuvetera njiku yo kuti Jehovha anozopeja kutama kurungama kwese kuri kuviiswa ndi Sathana no nyika yake. (Isaia 65:17) Icito yaguma njiku yondhoyo, tikandoitihwa zvicizivi kurungama, ngatijidodokese totendera kuti atizivi zvese pa shwiroyo zve toregerera vanotishaishira. Tikadaro, tinozotevejera urungami hwa Jehovha.