Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MUSORO WO REVHISTA | PANOFA MUNDHU ANODIWA

Kusuruvara ngo Kufihwa Kwakashata here?

Kusuruvara ngo Kufihwa Kwakashata here?

Mwakamboneseka ngo ndhwaji here? Kangaije mwakaita nani ngo kukasika ngo kudaro motokanganwa kuti makambohwaja. Asi, kusuruvara ngo ndava yo kufihwa akuzivi kudaro. Dr. Alan Wolfelt, wakatara kudari mu bhuku rake rino musoro unoti Healing a Spouse’s Grieving Heart (Kurapa Kuhwaja ko Mwoyo wo Mukaji kana Mwamuna): “Akuna ciro cinopinda kusuruvara ngo kufihwa”. Iyena wakaengejera eciti: ‘Pakufamba ko nguva no besero ro vamweni, kusuruvara ngo kufihwa kunozoita nane.’

Inga muezaniso, vonanyi kuhwajihwa kwakava na teteguru Abhirahama, mukaji wavo paakatamika. Bhaibheri rinonanga kuti: ‘Abhirahama wakatanga kucema no kubudisa musoji ngo kufa ka Sara.’ Gama ro kuti “wakatanga” rinovonesa kuti iyena wakatora nguva ecihwisana no kurasikihwa kwake. * Muezaniso umweni ndi Jakobe, uwo wakacengejehwa kuti atende kuti mwana wake Jasefa wainga wakaurawa ngo cinyama co musora. Iyena wakasuruvara ko “mazuva mazinji,” zve vo pa mbhuri pake avacaikwanisa kumunyaraja. Pakapera makore akawanda rufu hwa Jasefa hwecindomunesa mu murangariro.—Genesi 23:2; 37:34, 35; 42:36; 45:28.

Abhirahama wakarira ngo kutamikihwa ngo mudiwa wake Sara

Izvo ngozvinoitikavo kuno vazinji vanofihwavo ngo mundhu wo phedo nyamasi uno. Rangariranyi muezaniso muviri jinotevera.

  • “Robert, mwamuna wangu, wakatamika pa njiku 9 yo mweji wa Khunguru, 2008. Mangwanani o njiku yakaitikaro ngoziyo aazivi kusiyana no njiku jese. Inga mazuva ese, notapeja kuha matabicu, ecida kwenda kubasa, takapsompsana tokumbatirana, tobvunjana kudari: ‘Ndinokuda.’ Wari papera makore matandhatu naafa, asi mu mwoyo mwangu ndiciri kuhwajihwa. Andikwanisi kukanganwa maruzire ondakaita Rob.”—Gail, 60 o makore o ku bahwa.

  • “Pikija ndino makore anodarika 18 ndecirarama ndicina mukaji wangu, ndiciri kundoramba ndicimusuwa zve ndakasuruvara ngo kumuruza kwangu. Ndikandovona ciro cinoemuja, ndinomurangarira, ndorangarirazve kudakajihwa kwaaizova nako ngo kuvona zvandiri kuvonarovo.”—Etienne, ano 84 o makore o kubahwa.

Zvakajeka kuti kuhwajihwa uku pomwe no mazwiro aya ngo zvocibarihwe. Mundhu ari wese anonga afihwa angava no maitiro ake o kukhombija kusuruvara, zve zvaizova kutama ungwaru kutonga mundhu ngo masuruvarire aanokhombija ngo ndava yo kufihwa. Pa nguva imweyo, atidikani kujipa ndava kudari tikafihwa tinopindirija mudida pa kusuruvara kwedu. Tingahwisana kudini no kusuruvara ngo kufihwa?

^ ndim. 4 Izaki, mwana wa Abhirahama wakambosuruvaravo ko nguva yakareba. Inga zvatinovona pa musoro unoti ‘Tevejeranyi Kutenda Kwavo,’ unowanika pa mujeura wo vese wo mweji uno, Izaki wakaramba akasuruvara ngo kufa ka Sara, mai wake, ko makore matatu.—Genesi 24:67.