Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MUSORO WO REVHISTA

Panofa Mundhu Anodiwa

Panofa Mundhu Anodiwa

‘Mwari ngaanoziva zvakanaka, mudiwa. . . . Ucadocema.’

Magama aya akanangwa mu ciwoyo-woyo mu njeve yo umwe mwanakaji waidanijwa Bhebhe. Iyena wainga ari pa njaumba ya baba wake, vainga vafa pa ngozi yo karu.

Bhebhe waizwana maningi na baba wake. Masoko abhuiwaya pa kutanga akanangwa ngo shamwari yo mbhuri yavo zve, iyona yaizvinanga no cido cokunyaraja, asi pa ndau yo kuzwa kutondhojwa, Bhebhe wakahwajihwa maningi ndiwona. Bhebhe wakaramba ecijibvunja kudari: ‘Apana kunaka kwakaviiswa ngo kufa ka baba wangu.’ Zvainga zvakajeka kuti apo Bhebhe wakaripota zvakaitika mu bhuku papera makore akati kuti, wainga acakandosuruvara.

Inga zvakavona Bhebhe, zvingatora nguva kuti mundhu wakafihwa apeje kusuruvara kwake, maningi-ningi kudari waizwana maningi na nyakufa. Mu Bhaibheri, rufu unomukira kudaninjwa kamare inga “mukorore [muvengi] wokupejisira.” (1 VaKorinto 15:26) Iwona ungatotigumira ngo simba kamare, kazinji takakanganwa hedu, wotitorera mundhu watinoda. Akuna na umwe wedu anokwanisa kutiza matambujiko anoviiswa ngo rufu. Ngo iyo ndava, azvitikahamaji kudari tikajizwa kurasikihwa patinonga tecihwisana no kufihwa pomwe no nyatwa yese yakunotiviisira.

Kangaije makambojibvunja kudari: ‘Kusuruvara kunopeja nguva yakadini?’ Mundhu angahwisana kudini no kusuruvara? Ndinganyarajisa kudini vamweni vanonga vafihwa? Kuno vetero iri yese kuno vadiwa vedu vakafaya here?