Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 28

Munowanenyi mu Web Site Yedu?

Munowanenyi mu Web Site Yedu?

Fransa

Porandi

Rusia

Jesu Kristu wakati ku vateveri vake: “Ruveneko hwenyu ruveneke pa meso po vandhu vese, kuti vavone mabasa enyu auxoni, vakuje Baba wenyu vari mugore.” (Mateu 5:16) Kuti zviitike, itusu tinoshandisa zvakanaka uzivi hwa wari, pamwe no Interneti. Mu web site yedu yakatendehwa yo mu interneti, www.jw.org/ndc, ndimona munobva masoko mazinji ngo pa musoro po zvinotendhwa zve no mabasa o Zvapupu zva Jehovha. Icinyi cinowanikemo?

Mupinguro jo Bhaibheri ku mubvunjo jinoizwa kazinji. Mungawana mupinguro jo mubvunjo jinosisira maningi jinoizwa ngo vandhu. Inga muezaniso mataratadho Kutambujika kucazombopera hako here? no Vakafa vangazoraramazve kamare here? anowanika mu interneti mu ndumi jinodarika kuita 600. Imwimwi mungawanazve Tradução do Novo Mundo mu ndumi jinodarika kuita 130 zve no mutengo muzinji wo besero yo kujija Bhaibheri, kubatanija no bhuku Bhaibheri Rinojijisenyi Kamare? zve Murindiri no Mukai! mupsa. Uzinji wo mabhuku aya angaverengwa kana kupurutanwa mu interneti kana kukhopa zvo kurijwa, mu mugariro wo PDF, kana EPUB. Mungakwanisa kudhindha zvimatsamba zvinganani kuti mukovane no vandhu vanodakarira mu ndumi yavo kamare! Mabhuku akaithwa vhidhio anowanika mu ndumi jo kuvereketa ngo nyara. Mungabhasharizve kuverengwa ko Bhaibheri kwakaizwa inga drama, madrama o Bhaibheri zve mumbo jinodakajisa kujizwa pa nguva yo kuzorora.

Masoko o zvakaitika ku Zvapupu zva Jehovha. Anowanikazve masoko okupejisira no mavhidhio anovoneka ngo pa musoro po basa redu ro nyika ese, zviitiko zvinopsasa Zvapupu zva Jehovha, zve simba ratinoita mu kubeserana. Mungawana masoko ngo pa musoro po magungano ari kuza zve njira jo mungaita kuti mudavijane no hofisi jo macine edu.

Ngo njira iji, itusu tiri kusia ruvheneko hwo zvokadi hucibveneka kugumira ndau jo ndhambo jo pasi pano. Vandhu kubva pasi pese kubatanija Antartida, vari kubesereka. Tinokumbira kuti ‘Izwi ra [Jehovha] riende mberi’ pasi pese, kuti Mwari akujwe.2 VaTesalònika 3:1.

  • Web site yedu www.jw.org inobeseresa kudini vandhu vazinji kuti vajije Bhaibheri?

  • Icinyi co maizoda kuziva mu web site yedu?