Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 9

Tinganasiririsa Kudini Ushoni Musongano?

Tinganasiririsa Kudini Ushoni Musongano?

Kamboja

Ukrania

Kudari imwimwi muri kujija Bhaibheri no umwe wo Zvapupu zva Jehovha, tanganyi mapopora zvamunoda kujija pa cijijo cimwe nga cimwe. Kuitira kubesereka maningi, zvaushoni kuita zvakafanana ticito taenda ku musongano wo ungano. Muuyo jakanaka jinowanika patinova no urongwa hwa ushoni hwo njiku no njiku.

Emeseranyi nguva no ndau yo kujijira. Mukuvonyi wa munogajana ushoni? Ngo comangwanani matete mucito matanga  mabasa enyu o njiku ngo njiku kana kuti ngo co majiisa, vana vapera kuvata here? Kangaije azviitiki kuti mujije mukuvo wakareba, temanyi civaringo co mukuvo wamungashandisa kuti mujije zve mucasia ciri cese kuti cimupiningijire. Psakanyi ndau icina jowe-yowe zve bvisanyi zvese zvingamuphinga-phinga ngo kufunga radhio, terevizau zve no bote ro mudavijano. Kuita mukumbiro mucito majija kunozomubesera kuti mutame kuthimwa-thimwa ngo zvo magariro, ngo kudaro mungakwanisa kubatikana pa Izwi ra Mwari.VaFilipi 4:6, 7.

Makanyi zvijijo, zve nasiriranyi kuti mudavire. Tanganyi ngo kusota zvese zvinoda koojijwa. Rangariranyi ngo ndava yo musoro wo cijijo, sotesesanyi kuti cimusoro cimwe nga cimwe cinozwirana papi no musoro zve poporanyi rato-rato pomwe no mubvunjo jo kuhwirijira jinogogomejera zvijijo zvikuru. Perapo verenganyi ndima imwe nga imwe zve psakanyi mupinguro mu ndimejo. Psakanyi zve verenganyi matsamba akadujwa, rangarijanyi kuti anobeseresa kudini zviri mucijijo. (Maitiro o Vapostori 17:11) Pamunokwanisaya kudavira mubvunjo, diranyi museswa kana kumaka ndima jinowanika mupinguro kuti muzoceuje. Pamusongano, mungamusavo mukono mukada kuti mudavire ngo masoko mashoma enyu.

Ngo kupopora shwiro jakasiana-siana jinoverekethwa pa bviki ngo bviki pa musongano, munozoengejera ndangariro impsa mu “mu upfumi” hwo zivo yo Bhaibheri.Mateu 13:51, 52.

  • Ngocapi ciito co cirovejeso co makaemesera kuti munasirire musongano?

  • Munganasiririsa kudini kuti muzodavirevo pa musongano?