Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 7

Musongano Jedu Jinoitiswa Kudini?

Musongano Jedu Jinoitiswa Kudini?

Novha Zerandia

Japau

Uganda

Ritoania

Musongano jo maKristu o kutanga jaitanga maningi-ningi ngo ndumbo, mukumbiro, kuverengwa no kudurujihwa ko Matahwa—pacina zvimutango-mutango. (1 VaKorinto 14:26) Imwimwi mungavonavo zvakatojana maningi mu musongano jedu.

Zvijijo zvakacijikira mu Bhaibheri zve zvinoshanda. Mukupera ko bviki, ungano imwe nga imwe inoungana kuti mu 30 o museswa ipurutane hurukuru yo Bhaibheri inobhuya ngo zvinonanga Matahwa ngo pamusoro po upenyu hwedu zve ngo zvo mukuvo wotiri kurarama. Tese tinovangiswa kuteverera mu maBhaibheri edu. Yapera hurukuro, kuno Jijo yo “Murindiri” mukati mo nguva imwe, ndhengo zvese zvakasujunuka kuti zvidavire pa kubhuisana ko musoro wo cijijo co mujeura wo A Murindiri. Cijijo ici, cinotibesera kushandisa ndhungamiro jo Bhaibheri mu upenyu hwedu. Musoro wondhowo unojijwa pasi pese, mu ungano jinodarika 100,000 jiri pasi pano.

Tinobesehwa kuti tiengejere mazano edu o kujijisa. Itisu tinosonganazve bviki ngo bviki kuti tive nomativi matatu o urongwa hwo mu songano jedu. Divi ro kutanga ro museswa 30, I Jijo yo Bhaibheri yo Ungano inoizwa mubvunjo no mupinguro, iyi inojikisa kuzwisisa kwedu ndhungamiro jo Matahwa zve ciphorofita co Bhaibheri. Tevere, Cikora co Kutonga ka Mwari co Basa ro kucumaera, cinoithwa pa 30 o museswa, cinotanga ngo kubhuisana ngo ndima jo Bhaibheri jakaverengwa ngo ungano kumuzi. Perapo, vajiji vakataririsa pa cikora vanoita hurukuro javo jakafupika. Mupi wo mazano anonanga zvaanovona kuitira kutibesera kuti tibudirire pakuverenga no mazano o kuvereketa kwedu. (1 Timoti 4:13) Pa kupejisira tino Musongano wo Basa wo 30 jo museswa, ngo kushandisa hurukuro, kukhombijira zve kubhuisana, itusu tinojija njira jo kujijisa ndijona vamweni.

Pamunovona musongano jedu, pacina kukakanija munozoshamaisika ngo jijiso yo Bhibheri yamunonga  meciwana.Isaia 54:13.

  • Cicinyi camungavetera kuzwa pa musongano jo Zvapupu zvaJehovha?

  • Ngowapi musongano wedu wo bviki no bviki wamaidakrira kutanga kuona?