Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 10

Kunamata ko Mbhuri I Cinyi?

Kunamata ko Mbhuri I Cinyi?

Korea yo ka Kusi

Bharaziri

Austraria

Ginee

Kubvira munguva yo kare, Jehova waida kuti mbhuri no mbhuri ipeje nguva iri pamwepo icivangisa umujimu hwayo zve kuvangisana. (Deuteronòmio 6:6, 7) Ndiyo ndava Zvapupu zva Jehovha zvinokheta nguva no njiku pa bviki ngo vhiki kuti mbhuri inamate pamwepo icibhuisana yakasujunuka, shwiro jo kumujimu jinozwirana maningi-ningi no mugariro wayo. Pikija mecigara mega, nguva yondhoyo mungaita zvaushoni ngo kuipeja na Mwari pa jijo yo Bhaibheri, meciteveja urongwa hwenyu.

Uwu mukuvo wo kukhwedera phedo na Jehovha. “Khwederanyi kuna Mwari, Yena anozomukhwedereravo.” (Jakobo 4:8) Tinoguma pa kuziva Jehovha zvakanaka patinojija zvizinji ngo pamusoro po undhu no zviito zvake kubva mu Izwi rake rakatahwa. Njira imwe yakareruka yo kutangisa kunamata kwenyu ko mbhuri ngo yo kupeja nguva pamwepo meciverenga Bhaibheri, pikija kuteverera urongwa hwo bviki no bviki wo Cikora co Kutonga ka Mwari co Basa ro kucumaera. Ndima yo kuverenga ingagajwa umwe na umwe pa mbhuri, perapo vese vangabhuisana zvavajija kubva mu Matahwa.

Uwu mukuvo wo kukhwedererana ko zvihwa zvo mbhuri. Vamuna no vakaji, kubatanijavo vabari no vana vanovangisa ushamwari hwavo pa vanojija Bhaibheri inga mbhuri. Inofanera kuva nguva yo kudakara, yo mutendere ciitiko cikuru co bviki. Zvecifira ku mupira wo vana vavo, vabari vangakheta musoro jinoshanda kuti vabhuisane, pikija kushandisa jinobva mu Murindiri no Mukai! Mungabhuisana ngo zvibingamupini zvinowanana no vana venyu ku cikora zve njira yo kuhwisana nazvo. Mungadakarazve ngo kuimba nduyo jinoda kuimbhwa ku musongano zve kuha mapeja kunamata ko mbhuri.

Nguva iyi kamare inopejwari pa bviki ngo bviki mukunamata Jehovha pamwepo zvinozobesera vese pa mbhuri kuti vawane mudakaro mu Izwi ra Mwari zve anozokomborera maningi ndhamburiko jenyu.Nduyo 1:1-3.

  • Ngenyi tinokheta nguva yo kunamata ko mbhuri?

  • Vabari vangaitisa kudini kuti nguva iyi ive inodakajisa vese?