Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 18

Tingabesesa Kudini Hama Jedu Jiri mu Zvineso?

Tingabesesa Kudini Hama Jedu Jiri mu Zvineso?

Repubrika Dominikana

Japani

Haitii

Apo ngozi jinoitika jega jinoparaja, Zvapupu zva Jehovha ngo kukasika zvinonajirira besero kuti zvipokonyore hama jazvo jiri pa nyathwa. Ndhamburiko iji jinotatija rudo hwedu hwo kadi-kadi ku umwe na umwe. (Johani 13:34, 35; 1 Johani 3:17, 18) Tinobesera munjira japi?

Tinopira pfuma yedu. Pakaitika njara huru ku Judhia, maKristu o kutanga mu Antiokia akatumira mare ku hama jawo jo kumujimu. (Maitiro o Vapostori 11:27-30) Mukufananavo, patinozwa kuti hama jedu ku divi rimweni ro nyika jiri kuwanana no zvineso, tinotumira zvipo kubva pa ungano yedu kuti tipe besero ku vaya vari mu zvineso.2 VaKorinto 8:13-15.

Tinopa besero ro pambhene. Vakuru vari pandau yaitikaro ngozi vanopsaka hama imwe na imwe yo pa ungano kuti vave no cokwadi co kuti vese vawanika zve vakangwaririka. Cikwata co besero cingaronga kupa zvo kuha, kumwa yo kumwa yakacena, nguvo, po kugara zve besero yo mutombo. Zvapupu zvizinji pomwe no vazvipiri vanoruzivo hunodiwa mu kushandisa pfuma yavo vanonghwinira mu basa ro kubesera kana kunasirira nyumba jo kugara no Nyumba jo Umambo jakaphwanyika. Kubatana kwatinobusa inga caunga pomwe no kuziva, zvinotiita kuti tikwanise kugejerera zvinodiwa ngo kukasika pa nguva ya zvinodika. Pikija tecipa besero redu ku “vatendidoni”, tinopavo besero vamweni zvikakwanisika, pacinenyi hapo no ciara cavo.VaGalàsia 6:10.

Tinopa besero ro kumujimu no mu murangariro. Kazinji vaya vakawihwa ngo ngozi vanoda kutondhojwa. Pa nguva iji, itusu tinokhwedera zvakavanga phedo na Jehohva “Mwari wo unyarajo hwese”. (2 VaKorinto 1:3, 4) Itusu mukudakara kwese tinokovana zvigondiso zvo mubhaibheri no vacina vetero, mukuvapa cigondiso co kuti sambi-sambi Umambo hwa Mwari ucapeja ngozi jese jiri kubara kuhwajihwa no kutambujika.Apokalipsi (Cakapangijihwa) 21:4.

  • Ngenyi Zvapupu zvinokwanisa kubesera ngo kukasika pa nguva yo ngozi?

  • Kutondhoja kwapi ko mujimu kwatingakovana no vapokonyoki?