Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 21

Icinyi Bheteri?

Icinyi Bheteri?

Bauhwa ro ratu-ratu, E.U.A.

Jeremani

Kenya

Korombiya

Bheteri, i zina ro ciHebheru, rinoreva kuti “Nyumba ya Mwari”. (Genesi 28:17, 19) Iri i zina rakafanera ku nyumba iyo Zvapupu zva Jehovha zvakaikheta mu nyika yese inoshandisihwa ku tungamirira zve kubesera basa ro kucumaera. Mukhumbi Unotonga unoshanda ku cine ro nyika yese ku Novha Yoriki, E.U.A., kondhoyo ngo kunovonerehwa basa ro hofisi jo macine o nyika zinji. Inga cikwata, vaya vanoshandira mu zvivako izvi vanozivika inga mbhuri yo Bheteri. Inga mbhuri, vanorarama, vanoshanda, vanoha zve kujija pamwepo mu rubatano.Nduyo 133:1.

I ndau imwe basi yo kuti ndhengu jo mbhuri jinozvipira. Muzvivako zvo maBheteri ese, muno vanarume no vanakaji vo ciKristu vanozvipira kuita kuda ka Mwari zve vanoshandira zvinodiwa zvo Umambo mu nguva yakazara. (Mateu 6:33) Apana na umwe wavo anopocereswa mare, asi vese vakakwana ngo nyumba, zvokuha zve vanopuwa besero ro mare kuti vajisapote. Pa Bheteri, umwe na umwe ano basa raakagajwa,.vamweni vanoshanda mu hofisi, mo kubikira, kana mu berere ro kuhira. Vamweni vanoshanda mu kudhindha no kuita mabhuku kana kuita basa ro pamuzi, mo kupajira, mo kugejerera zvakagujuka kana kuita zvimweni.

I ndau inoshandiswa kuitira kubesera basa ro kucumaera. Cidisiso co maBheteri ese ngo co kuti cokwadi co Bhaibheri ciwanike ngo vandhu vazinji zvicikwanisika. Bhurushura iri i muezaniso umwe wakona. Rakatahwa mukutungamirihwa ngo Mukhumbi Unotonga, ro tumihwa ngo kushandisa mucini jo mudavijano ku mazana o zvikwata zvo vasanduji zvinowanika mu nyika zinji, ro dhindhwa ngo mucini jinokasikira maningi zve ro endeswa mu ungano jinopindirija 100 ro zviuru. Pa mudanyu jese iji mbhuri yo Bheteri, inobesera kuti basa rinodikana maningi kupinda ese rikasike—kucumaehwa ko masoko akanaka.—Marko 13:10.

  • Ndivanaani vanoshanda pa Bheteri zve i nasiriro japi jo vakaitihwa?

  • Ngo rapi basa ro kukasika rinobesehwa ngo basa ro Bheteri rimwe nga rimwe?