Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 11

Ngenyi Tinoita Musongano Mukuru?

Ngenyi Tinoita Musongano Mukuru?

Meshiko

Aremanya

Bhotswana

Nikaragwa

Itariya

Ngenyi vandhu ava vano hope jakadakara? Ivona vari pa umwe wo musongano jedu. Inga vabatiri va Mwari vo kare vaijijiswa kuti vaungane rutatu pa gore, tinoramba teciungana mu zvikwata zvikuru. (Deuteronòmio 16:16) Makore ese tino zviitiko zvitatu: magungano maviri o ndharaundha o njiku imwe zve gungano ro mutundhu ro njiku ndhatu. Kuungana uku kunotibesera kudini?

Kunovangisa ukama hwedu hwo pasi pese. Kudari inga va Israeri vaidakara pa kukuja Jehovha “mu misongano”, itusuvo tinodakara kumunamata pamwepo muzviitiko kamare. (Nduyo 26:12; 111:1) Ku ungana uku kunobara mukana wo kusongana no hama jo ungano jimweni kubatanija no nyika jimweni. Pakati po njiku, itusu tinodakara pa kuha pamwepo pa gungano ro mundharaundha, teciengejera ushamwari hwo zviitiko izvi zvo kumujimu. (Maitiro o Vapostori 2:42) Kondhoyo tinovona ngo phedo rudo hunobatanija “hama” jedu pasi pese po nyika.1 Pedru 2:17.

Magungano anotibesera kuti tikure mu mujimu. VaIsraeri vaibeserekazve ngo “kuzwisisa tsamba” jo Matahwa javaidurujihwa. (Neemia 8:8, 12) Itusuvo tinodisisa ndhungamiro yo Bhaibheri yo tinoashira mu magungano edu. Urongwa umwe nga umwe wakacijikira pa musoro wo mu Matahwa. Ngo hurukuro jinodakajisa, hurukuro jo kusiirana zve kuezanisira, tinojija tingaitisa kudini zvinoda Mwari mu upenyu hwedu. Itisu tinovangiswa patinozwa zvakaitika ka vayani vakabudirira pa kusongana no zvineso ngo kurarama inga maKristu mu nguva ino inonesa. Pa magungano o mutundhu, mutambo wo drama unoitisa kuti zviitiko zvo mu Bhaibheri zvive zvokadi kamare mu upenyu hwedu zve zvotijijisa zvijijo zvinoshanda. Pa magungano ese rubabatijo unotora rutivi wo urongwa ku vaya vanoda kutatija kujipira kwavo kuna Mwari.

  • Ngenyi magungano i zviitiko zvinodakajisa?

  • Ibesero yapi yamungawana ngo kuva pa gungano?