Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 3

Zvokadi Yo Bhaibheri Yakafumbhuriswazve Kudini?

Zvokadi Yo Bhaibheri Yakafumbhuriswazve Kudini?

Vajiji vo Bhaibheri, mu makore o 1870

Mujeura wo kutanga wo Murindiri wo gore ro 1879

Murindiri nyamasi uno

Bhaibheri rainga rakananga kuti sure ko kufa kwa Kristu vajijisi vo kunyepa vaizobuda pakati po maKristu o kutanga, vaizovoja zvokadi yo muBhaibheri. (Maitiro o Vapostori 20:29, 30) Izvi ndizvona zvakaitika kamare pa mukuvowo. Ivona vakabvenganisa jijiso ja Jesu no murangarijo jo cihedheni zve vakakwhijirija njira jo kunyepejera jo uKristu. (2 Timoti 4:3, 4) Icinyi cinotikhohwesa kuti nyamasi uno itusu tinozwisisa zvokadi kamare zvinojijisa Bhaibheri?

Nguva yakaguma kuti Jehovha ajekese zvokadi. Iyena wainga akananga kuti ‘mu mukuvo wokupejisira: vazinji vaizorijija no uzivi hwavo hwaizoengejeka.’ (Danieli 12:4) Mu gore ro 1870, cikwata cidokowani co vapsaki vo zvokadi cakaziva kuti jijiso zinji jo ceci, ajicaingepi jo mu Bhaibheri. Cakatanga kukwarisisa kuitira kuzwisisa ushoni jijiso jo kutanga jo Bhaibheri, ngo kudaro Jehovha wakacikomborera ngo uzivi hwo kumujimu.

Vandhu vaida zvokadi vakatanga kujija Bhaibheri no kungwarira. Vajiji ava vokuvangisira vo Bhaibheri ndivona vakatanga kushandisa majijiro atiri kushandisa nyamasi uno. Ivona vaijija Bhaibheri shwiro ngo shwiro. Pavaiwana vhesi inonesa kuzwisisa, vaipsakazve kudurujihwa kwayo mu vhesi imweni. Pavaiguma pa mbhejiso yokuti zvovazwaro zvinozwirana no matahwa ese, vaitara mbhejisoyo. Izvi zvaiita kuti Bhaibheri rijidurujire rega, vakafumbhurazve zvokadi ngo pamusoro po zina raMwari, Umambo, cidisiso cake ku vandhu vese no nyika, mugariro wo vakafa zve vetero yo kumuswa. Kupsakisisa kwavo kwakavaita kuti vasujunuke ku kutenda manyepo no zviito zvizinji.Johani 8:31, 32.

Mugore ro 1879, Vajiji vo Bhaibheri vakaziva kuti nguva yainga yakwana yo kuti zvokadi itokoteswe mundau zinji. Mugore rondhoro, vakatanga kubudisa revhista yatiri kundobudisa na nyamasi uno inozwi A Sentinela Anunciando o Reino de Jeová. Nyamasi uno tiri ku kovana zvokadi jo muBhaibheri no vandhu munyika jinodarika 230 zve mu ndumi jinodarika 750. Kubvira no kare azvizivi kumboitikazve kuti zivo yo kadi-kadi iwande kudari!

  • Pakupera kufa kwa Kristu, icinyi cakaitika no zvokadi yo Bhaibheri?

  • Icinyi cakatiitisa kuti tifumbhurezve zvokadi inobva mu izwi raMwari?