Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 14

I Rovejo Yapi Inopekejwa Mapiyona?

I Rovejo Yapi Inopekejwa Mapiyona?

Estado Unido

Cikora co Ghiriadhi, Patterson, Nova York

Panamaa

Ko mukuvo wakareba, jijiso yo umwari iri kuva ciro cino mutengo mukuru ku Zvapupu zva Jehovha. Rovejo inosisira inopekejwa ku vaya vanozvipira mu nguva yakazara mukucumaira Umambo, kuitira kuti ‘vaite basa kamare rovakapuwaʼ.2 Timoti 4:5.

Cikora co Basa ra Piyona. Mukupera ko gore ro kutanga ro basa ro munguva yakazara, piyona wo nguva jese ano kokwa kuenda ku cikora co mazuva matandhatu cingaizihwa mu Nyumba yo Umambo. Cinangwa ngo co kubesera piyona kuti akhwedere phedo na Jehovha, abudirire ushoni mu mativi ese o mushando wake zve kuti arambe akagondeka mu basa rake.

Cikora co Vabvangeri vo Umambo. Cikora ici co mweji muviri, cakarongwa kuitira kuroveja mapiyona aano zivo, akasujunuka kuti asie ndau jaanogara kuti ashandire kunodiwa maningi besero. Mukutevejera muezaniso wo Mubvangeri mukuru wakamboshandira pa nyika, Jesu Kristu, zvinodenga kuti umwe na umwe wavo wakati: “Ndiri pano, nditumirenyi!’’ (Isaia 6:8; Johani 7:29) Kuthutha kuenda ndhambo kangaije zvingabatanija kurovejana no muraramire wakareruka. Maponero, mugariro wo kunja kangaije zvingava zvakasiana kamare no zvaakaroveja. Kangaije zvingada kutojija ndumi imbza. Cikora ici cinobesera hama no hambzaji jicizivi kurovora kana kurovohwa pomwe no vakarovorana, vano makore anotangira pa 23 mbhera 65, kuti vasakurire mugariro jokumujimu zve kuengejera kukwanisa kunodiwa kuti vashandiswe kamare ndi Jehovha pomwe no sangano rake.

Cikora co Bhaibheri co Giriadhi co Tore de Vijhia. Mu Cihebheru, “Giriadhi’’ zvinoreva “Mututu wo Zvapupu.’’ Kubvira pacakatanga mu gore ro 1943, mutengo unodarika 8.000 vakarovejwa pa cikora ici, vakatumihwa inga mamisionario kuti vape ucapupu ‘mbhera ku magumo o nyikaʼ, no muvio jicikanangiki. (Mait. 13:47) Apo mamisionario edu akaguma ku nyika yo Peruu, kwainga kucina ungano. Wari kuno mutengo unodarika 1.000. Apo mamisionario edu akatanga kushandira ku nyika yo Jhapau, kwainga no Zvapupu zvicikadariki gumi. Wari kuno mutengo unodarika 200.000. Mweji mushanu yo khosi yo ku Giriadhi inobatanija jijo yakajika yo Soko ra Mwari. Mapiyona anosisira, mamisionario, vamweni vo mbhuri yo Bheteri kana vavonereri vo ndharaunda vangakokwa kuti vaende ku khosi iyi yo rovejo yo cikora yakavanga, no cinangwa co kupa simba no macijikiro basa ro nyika yese.

  • Ngo capi cinangwa co Cikora co Basa ra Piyona?

  • Ndiani anoenda ku Cikora co Vabvangeri vo Umambo?