Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 12

Basa Redu Ro Kucumaera Umambo Rakarongeswa Kudini?

Basa Redu Ro Kucumaera Umambo Rakarongeswa Kudini?

Shipanya

Bherarusi

Hongi-khongi

Peruu

Panguva shomani acito afa, Jesu wakazivisa kuti: “Vangeri iri ro Umambo rinozotokoteswa pasi pese, kuita ufakazi ku vandhu vese. Pondhopo kunozovia kupejwa ko bzese.” (Mateu 24:14) Asi, basa iri ro pasi pese ro kucumaera, raizoitiswa kudini? Ngo kutevera muezaniso wakagajwa ndi Jesu paainga pasi pano.Luka 8:1.

Tinoeja kupsanga vandhu mu mamuzi mavo. Jesu wakarovejesa vajiji vake kuti vacumaire masoko akanaka muzi ngo muzi. (Mateu 10:11-13; Mazwi Akangwara 5:42; 20:20) Vacumaeri vo muzana ro kutanga vakatemehwa mutundhu wavaidikana kushandira. (Mateu 10:5, 6; 2 VaKorinto 10:13) Kufananavo nyamasi, basa redu ro kucumaera rakanasa kurongwa zve ungano imwe nga imwe inopuwa mutundhu kuti ikhweteje. Izvi zvinotiitisa kuti tikwanirise mutemo wo “kojijisa vandhu no kuita ufakazi”.Maitiro o Vapostori 10:42.

Tinovangisira kuti tiwane vandhu kuri kwese ko vanowanika. Jesu wakagajavo muezaniso ngo kucumaera vandhu pambhene, inga mu jombe kana mu zvimutundhu. (Marco 4:1; Johani 4:5-15) Itusuvo tinobatikana mu kubhuya no vandhu ngo pamusoro po Bhaibheri patinokwanisa—mu makwanja, munotengesehwana, mu maminda kana mokuzororera zve ngo bote ro mudavijano. Tinopazve ucapupu ku vocigarisano vedu, vadoni vo kubasa, vo kucikora zve ukama hwedu patinonga no mukana. Jese ndhamburiko iji, jinoitisa kuti zviuru no zviuru zvo vandhu mu nyika yese vazwe masoko akanaka o “ruponeso hwake”.Nduyo 96:2.

Mungarangarira ari wese wamungakovana naye masoko akanaka o Umambo hwa Mwari zve mapsasire anoita masoko aya kumbeji kwake here? Mucavigira vandhu masoko aya o vetero. Kovananyi navo mucikanonoki kuzwirana no zvamungakwanisa!

  • Masoko api akanaka anodikana ‘kutokoteswa’?

  • Zvapupu zva Jehovha zvinotevejeresa kudini mazano a Jesu o ku cumaera?