Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MUBVUNJO 2

Ngenyi Ndiri Kuneseka ngo Pamusoro po Mavonekero Angu?

Ngenyi Ndiri Kuneseka ngo Pamusoro po Mavonekero Angu?

NGENYI ZVINOSISIRA

Kuno zviro zvimweni zvinosisira maningi kupinda zvaunovona pa supeya.

ZVICINYI ZVAUNGAITA?

Amborangarirai ciitiko ici: Jhuria paanosota pa supeya, caanovona basi ngo co kuti wakapunda. Iyena anozvibvunja kuti: “Ndinodikana kutetepa padoko”—pikija vabari no shamwari jake vanomubvunja kuti “wakatetepa.”

Pamukuvo mushoma wapera, Jhuria wairangarira ngo kupindirija mudida kuti aruze “kiru shanu” basi. Kuti akwanise zvondhozvo anorangarira kujinyima zvokuha pa njiku nganani . . .

Kudari waijizwa inga ndi Jhuria, zvicinyi zvawaizoita?

IMAI URANGARIRE!

Mavonero aunozviita wega angaezanisihwa no zvaunovona pa supeya icikazivi kunaka

Azvizivi kushata kwauri kutambujika ngo pamusoro po zvaunovona. Zvokadi kamare, Bhaibheri rinonanga ngo njira yakanaka ngo mavonekero o muviri o vanakaji no vanarume vakawanda, kubatanija Sara, Rakeri, Abhigairi, Jasefa, na Dhavhidhi. Bhaibheri rinonanga kuti mwanakaji waidanijwa Abhizagi “waisejesesa” maningi.—1 Majimambo 1:4.

Asi, majaha no vasikane vazinji vanoneseka maningi ngo mavonekero avo. Izvo zvingavatungamirira ku zvineso zvakawanda. Vonanyi:

  • Pa imwe jijo yo kupsakisira, 58 o mapurusento o vasikane vanopsaka kuva no pezo yakakhwirira, zvokadi, 17 o mapurusento basi ndivonabvakaiwana.

  • Pa imwe jijo yo kupsakisira, 45 o mapurusento o vanakaji vanorangarija kuva no kiru shoma basi, kureva kuti avadi kupunda!

  • Pa cineso co kuda kuruza kiru, majaha no vasikane vamweni vanoguma pa kuva no ndhendha inodanijwa kuti anorexia—dambujiko rino ngozi mu upenyu rinobahwa ngo kutama kuha, rinotoita kuti mundhu afe ngo njara.

 Kudari uno zvinotatija kuti uno anorexia kana ciri cese cinokuitisa kuti utame kuha, unodikana kupsaka besero ngo kubvunja vabari vako kana mundhu wakura waunothemba. Bhaibheri rinoti: “Xamwari inokuda mu mukuvo wese; yakabahwa kuti iite hama pa bonezi.” —Mazwi Akangwara 17:17.

KUBUDIRIRA KWAKANAKA KWAUNGAITA!

Zvokadi kamare, undhu hwo mukati ngohunoita kuti mundhu ave anoemurika kana kuti haiwa. Vonai Abhusaromi mwana wa Mambo Dhavhidhi. Bhaibheri rinonanga kudari:

“Pakati po vaIsraeli vese apacaingepi no mundhu wakaseja inga Abusaromi, waifanera kusimbwa kwese. . . . Bzese bzainga bzakanaka.”—2 Samueli 14:25.

Pikija zvakadaro, mujaha uu waizara ngo kuzvikuja, kuda kubudirira no kucengejera! Ngo kudaro, Bhaibheri arinangi zviro zvakanaka ndi Abhusaromi, mukusiana rinomunanga inga mwanarume acikazivi kugondeka no muvengi wakashatisisa.

Ngo thangwe rakanaka, Bhaibheri rinotipa ngwajo:

“Mosimira undhu hupsa.”—VaKolosi 3:10.

‘Mucaita vakaseja ngo kunja basi . . . , kaveta ivanyi vakaseja ngo mukati . . . . mu mwoyo.’—1 Pedru 3:3, 4.

Pikija apana cakashata ngo kuda kuva no mavonekero akanaka, zvinopinda izvo i kuva no undhu hwakanaka. Mukuenderera mberi, mavara anosimbwa anozomuita kuti mudakarihwe ngo vamweni kupinda kuva no muviri wakavanga kana anociimo cakaseja! Umwe musikane anodanijwa kuti Phylicia wakananga kuti: “Pakutanga, kuseja kungakwevera vandhu vazinji, asi ngo divi rimweni zvinoita kuti vandhu vaceuje kuti uri kuva no mugariro jakanaka, nga zviya zvauri ngo mukati.”

KUSOTESESA MAVONEKERO AKO

Unoguma pa kunyangajwa ngo zvaunovona pa mavonekero ako here?

Wakamborangarira kuenda koocekwa kana kutomboregera kuha ko zvimazuva kuitira kuti mavonekere ako o kunja acinje here?

Kudari waikwanisa kucinja mavonekero ako ngo zvapi zvawaizocinja? (Dira cidenderejwa pa zvawaizocinja.)

  • UREBU

  • KIRU

  • GANDA

  • MASIKIHWE AKAITWA MUVIRI WAKO

  • MUMESO

  • BVUJI

Kudari wadavira kuti hina pa mubvunjo muviri jokutanga zve watendeneja shwiro ndhatu kana shwiro zinji pa mubvunjo wo citatu, vonai izvi: Pano mukana jakanaka jo kuti vamweni avakuvoni wakashata inga mavonero aunozviita. Zvakareruka kupindirija mudida wova ucineseka maningi ngo pamusoropo mavonekero ako.—1 Samueli 16:7.