Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MUBVUNJO 7

Ndingahwisisa Kudini Civangirijo co Kuda Kuita Vatano?

Ndingahwisisa Kudini Civangirijo co Kuda Kuita Vatano?

NGENYI ZVINOSISIRA?

Zvivaringo zvako ngo pamusoro po vatano zvinozova no muviyo mukuru maningi kumbeji kwako.

ZVICINYI ZVAUNGAITA?

Rangarirai ciitiko ici: Erena ari kunomorari na Marko pa mweji muviri basi, asi Erena waakuzwa inga kuti wonasa kuziva ushoni Marko. Vanotarirana mensajhi nguva jese, vanobhuya pa nguva zinji pa foni, zve umweni acito apejisa zvaari kuda kunanga umweni otomubata muromo ngo kuti waakuziva zvaari kuda kunanga! Asi wari Marko oda zvizinji kupinda kubhuya.

Mukati mo mweji muviri jakapera, Marko na Erena vanobatana basi nyara no kupsombzana padoko. Erena aadi kupindirija apa. Asi aadi kurambana na Marko. Apanazve umweni anomuita kuti adakajihwe no kuzvivona akaseja maningi, anosisira. ‘Kunja kwa izvi,’ Erena anozvibvunja ega, ‘itusu tinodisana kamare . . .’

Kudari wati kurire kamare kuti unomorari zve uri pa mugariro wa Erena, zvicinyi zvowaizoita tevere?

IMAI URANGARIRE!

Vatano i cipo cinobva kuna Mwari kuno vandhu vakacadha. Vatano ucito wacadha i kuabhuzari cipo ici. Zvinodenga kutora nguvo yakaseja maningi yowakapuwa ngo mundhu kakuishandisa inga yo kucika-cika

Kudari ukambhuka mu muti woeja kumburuka inga shiri, ungatambujika ngo muviyo jaunowana. Ndizvonavo zvondhozvo kudari ukahwisana no mutemo wo mufambiro, wakadari inga uu: “Muregere upombo.”—1 VaTesalònika 4:3.

Ngowapi muviyo wo kutama kuzwira mupango uu? Bhaibheri rinoti: “Mupombori anoxaixira muviri wake.” (1 VaKorinto 6:18) Kuitisa kudini ici i cokwadi?

 Vapsakisisi vari kuwana kuti vocidoko vanoita vatano vacito vacadha vanoanja kusongana no muvio umwe kana muzinji jo jinotevera.

  • KUKAYA-KAYA. Vocidoko vazinji vakaita vatano vacito vacadha vanonanga kuti vakakhauya ngo zvavakaitaro.

  • KUFININGIRA. Pakupera kuita vatano, vovaviri vanotanga kuita mubvunjo inga uu: ‘Mufana kana musikane uu wakamboitazve vatano naani?’

  • KUTAMA VETERO. Ngo mukati, vasikane vazinji vaizoda mundhu anozovajivirira, kuciripi anoda kuvaporovhetari. Majaha mazinji anovona kuti aacadakaririzve musikane anodenga kuti anotendera zvese.

  • Mbhejiso: Kudari ukaita vatano ucito wacadha, uri kuzvireja-reja wega ngo kuruza ciro cinosisira maningi. (VaRoma 1:24) Muviri wako uno mutengo mukuru maningi kuciripi kuureja-reja!

Vonesai kuti wakavanga kamare ‘uregere kuita uhure.’ (1 VaTesalònika 4:3) Perapo, ukazorovora kumbejiyo, unozoita vatano. Unozonasa kudakajihwa ndikona kamare, ucikathyi, ucikakhaui zve kutama kugajana kunoanja kuva divi ro vatano ucito wacadha.—Mazwi Akangwara 7:22, 23; 1 VaKorinto 7:3.

 UNORANGARIRA KUDINI?

  • Mundhu anokuda kamare waizokukhuvaza mu nyama no kugara kwako ushoni mu murangariro here?

  • Mundhu anokutaja kamare waizokueja kuti uphwanye ushamwari hwako na Mwari here?—Vaheberi 13:4.