Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Vakafa Vangazoraramazve Kamare Here?

Vakafa Vangazoraramazve Kamare Here?

Maizodavira kuti . . .

  • hina?

  • haiwa?

  • kangaije?

 BHAIBHERI RINOTI KUDINI

“Kunozowanika kumuka ko vakafa.”—Maitiro o Vapostori 24:15, BIBLIA MAZWI A MWARI.

IZVI ZVINGAREVENYI KWAMURI

Nyarajo panofa mundhu anodiwa. —2 VaKorinto 1:3, 4.

Rusujunuko mu ku thyisisa rufu.—Vaheberi 2:15.

Vetero yo kadi-kadi yo kuzosonganazve no vadiwa vakafaya.—Johani 5:28, 29.

 TINGATHEMBADI KAMARE ZVINONANGA BHAIBHERI?

Hina, ngo mathangwe matatu basi pakati po mazinjii:

  • Mwari i Musiki wo upenyu. Bhaibheri rinonanga kuti Jehovha Mwari i “cinyuke co uhomi.” (Nduyo 36:10 [36:9 BMAA]; Maitiro o Vapostori 17:24, 25) Uwo anopa upenyu ku zvisikwa zvese zvinopona anokwanisa kamare kumusijirazve upenyu hwo ari wese wakafa.

  • Mwari wakamusa vandhu kareko. Bhaibheri rinofakaza zviitiko zvisere zvo vandhu—vocidoko, vakuru, vanarume no vanakaji—avo vainga vakaviiswazve kuti vararame pasi pano. Vamweni vakatofa pa mukuvo wondhowo, asi vamwenizve vakatogara muguva njiku murongomuna! —Johani 11:39-44.

  • Mwari ano cido cokuzviitazve. Jehovha anozonda rufu, iyena anouvona inga muvengi. (1 VaKorinto 15:26) Iyena ‘angada’ kunyisa muvengi uwu, kupfujura rufu ngo rumuko.Iyena anodisa maningi kuviisazve vayana vakatamikaya vari mu murangariro make no kuvavona veciraramazve pasi pano.—Jobe 14:14, 15.

 ZVOKURANGARIRA

Ngenyi tinoita ukarahwa perapo tofa?

Bhaibheri rinopingura mubvunjo iji pana GENESI 3:17-19 na VAROMA 5:12.