Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Ngo yapi khiya kuitira upenyu hwo mbhuri hunodakajisa?

Ngo yapi khiya kuitira upenyu hwo mbhuri hunodakajisa?

Munorangarira kuti i . . .

  • rudo?

  • mare?

  • cimwenizve?

 BHAIBHERI RINOTI KUDINI?

“[Vanodakara] kamare avo vanopurukira izwi ra Mwari, no kuriteveja!”—Luka 11:28, Baiberi Mazwi Akacena aMwari.

IZVI ZVINGAREVENYI KWAMURI?

Kuwana rudo hwo kadi-kadi. —VaEfeso 5:28, 29.

Kubusa nderemejo yo kadi-kadi. —VaEfeso 5:33.

Kuwana kungwaririka ko kadi-kadi.—Marco 10:6-9.

 TINGATHEMBADI KAMARE ZVINONANGA BHABHERI HERE?

Hina, ngo mathangwe matatu basi pakati po mazinji:

  • Mwari ndiyena Muambi wo upenyu hwo mbhuri. Bhaibheri rinonanga kuti Jehovha Mwari ndiyena “Baba wo majinja ese, nyezuru no pasi”. (VaEfeso 3:14, 15) Ngo magama amweni, rubatano hwo mbhuri huripo ngo kuti Jehovha ndiyena akahusika. Ngenyi izvi zvino revo?

    Vonanyi izvi: Kudari imwimwi maibusa zvokuha zvinonaka zve moda kuziva ngo pamusoro po zvathwiraro, maizobvunjisa ani? Pacina kukakanija, mundhu wabikaro.

    Mukufananavo, kuti tifumbhure ndhwiro jo mudakaro wo mbhuri, zvaizova zvakanaka kusota kuna Jehovha, Muambi wo Urongwa hwo mbhuri.—Genesi 2:18-24.

  • Mwari anomutaja. Ungwaru mbhuri kupsaka ngwajo ya Jehovha, yaanopa ecishandisa Izwi rake. Ngenyi? Ngokuti ‘Iyena anotikorondha.’ (1 Pedru 5:6, 7) Jehovha ano zvakanaka zvamunoda mu mwoyo make—zve mbhangiro yake nguva jese inoshanda!—Mazwi Akangwara 3:5, 6; Isaia 48:17, 18.

 ZVOKURANGARIRA

Kuti muve mwamuna, mukaji kana mubari waushoni, mungaitenyi?

Bhaibheri rinopingura mubvunjo uu pana VAEFESO 5:1, 2 zve VAKOLOSI 3:18-21.