Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Munovona kudini ngo kumbeji?

Munovona kudini ngo kumbeji?

Nyika yedu . . .

  • icazoramba yakadaro?

  • icazoshatisisa?

  • icazonaka?

 BHAIBHERI RINOTI KUDINI

“Mwari . . . anozopukusa musoji yo mumeso mavo. Akuzovi no kufa nokuti mariji, kurira nokuti kuhwaja ngo kuti zvokare zvapinda.” —Apokalipsi (Cakapangijihwa) 21:3, 4, Biblia Mazwi a Mwari.

IZVI ZVINGAREVENYI KWAMURI

Basa rino revo zve rino kugutisa. —Isaia 65:21-23.

Akucazovizve no mukhaindi uri wese wo ndhwaji kana matambujiko. —Isaia 25:8; 33:24.

Mudakaro, upenyu ucina magumo pomwe ukama no ushamwari.—Nduyo 37:11, 29.

 TINGATHEMBADI KAMARE ZVINONANGA BHABHERI HERE?

Hina, ngo mathangwe matatu basi pakati po mazinji:

  • Mwari anokwanisa kukwanirisa cigondiso. Mu Bhaibheri, Jehovha Mwari ndiyena ega anodanijwa wo “masimba eshe,” ngo kuva iyena basi anosimba ricikaperi. (Apokalipsi 15:3, Baiberi Mazwi Akacena aMwari) Ngo kudaro iyena anokwanisa kamare kuramba ano cigondiso cake co kucinja nyika yedu kuti ive yakanaka. Inga zvinonanga Bhaibheri “kuna Mwari bzese bzinokwanisika.”—Mateu 19:26.

  • Mwari ano cido co kukwanirisa cigondiso. Inga muezaniso, Jehovha ‘anodisisa’ kumusijira upenyu hwo vandhu vakafaya.—Jobe 14:14, 15.

    Bhaibheri rinokhombijazve kuti Mwana wa Mwari, Jesu, wakarapa ndhendha. Ngenyi wakaita zvondhozvo? Ngo kuti waida kuzviita. (Marco 1:40, 41) Jesu mukuperera wakakhombija hundhu hwa baba wake ngo kudisisa kubesera vaya vaitambujika.—Johani 14:9.

    Ngo kudaro itusu tinganyinda kuti Jehovha na Jesu vanoda kutibesera kubusa mudakaro wo kumbeji!—Nduyo 72:12-14; 145:16; 2 Pedru 3:9.

 ZVOKURANGARIRA

Mwari acazocinjisa kudini nyika yedu kuti ive yakanaka?

Bhaibheri rinodavira mubvunjo uu pana MATEU 6:9, 10 no pana DANIELI 2:44.