Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Munorivona kudini Bhaibheri?

Munorivona kudini Bhaibheri?

Munganaga kuti irona i . . .

  • bhuku ro uzivi hwo vandhu?

  • bhuku ro ngano?

  • izwi ra Mwari?

 BHAIBHERI RINOTI KUDINI

‘Zvinyoro Zvese Zvakafemehwa ndi Mwari.’2 Timoti 3:16, Baiberi Mazwi Akacena aMwari.

IZVI ZVINGAREVENYI KWAMURI

Mupinguro jinogutisa jo mubvunjo mukuru jo upenyu.Mazwi Akangwara 2:1-5.

Ndhungamiriro jakagondeka jo upenyu wo njiku no njiku.Nduyo 119:105.

Vetero yokadi yo kumbeji.VaRoma 15:4.

 TINGATHEMBADI KAMARE ZVINONANGA BHABHERI?

Hina, ngo mathangwe matatu basi pakati po mazinji:

  • Kuzwirana kunokahamaja. Bhaibheri rakatahwa mu makore anokwana 1.600 ngo 40 o vandhu vakasiyana-siyana. Vazinji vavo avazivi kumbovonana umwe no umweni. Hina, bhuku rese rinozwirana no musoro mukuru umwe basi!

  • Zviitiko zvakagondeka. Vazivi vo zviitiko zvo nyika kazinji vanofukija kupeama ko vandhu vavo. Mu kusiana, vatari vo Bhaibheri mu kugondeka vakatara kuposa kwavo pomwe no ko jinja ravo.2 Kronike 36:15, 16; Nduyo 51:1-4.

  • Zviphorofita zvakagondeka. Bhaibheri rakabhuya ngo kuphwanywa ko dhorobha ro Bhabhironia ro kare mu 200 o makore acito aguma. (Isaia 13:17-22) Irona arizivi kubhuya basi ngo mawire aizoita Bhabhironia asi rakanangavo zina ro waizoriwisa!—Isaia 45:1-3.

    Zviphorofita zvimweni zvizinji zvo Bhaibheri zvakapera kuzajisika mu zvimuthyandhya-muthyandhya. Asi andizvopi zvataizovetera ku Izwi ra Mwari?—2 Pedru 1:21.

 ZVOKURANGARIRA

Izwi ra Mwari ringakhwijirijisa kudini upenyu hwenyu?

Bhaibheri rinodavira mubvunjo uu pana ISAIA 48:17, 18 na 2 TIMOTI 3:16, 17.