Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Icinyi Umambo hwa Mwari?

Icinyi Umambo hwa Mwari?

Maizonanga kuti i . . .

  • ciro ciri mu mwoyo menyu?

  • mudakaro mu gore?

  • Utongi hwo mugore?

 BHAIBHERI RINOTI KUDINI?

“Mwari wo mugore anozozisa Umambo hucikazopejwi.”Danieli 2:44, Biblia Mazwi A Mwari.

‘Ngokuti takabarihwa mwana, zve utongi hunozogara panyezuru po mapfuji ake.’Isaia 9:5, Biblia Mazwi A Mwari.

IZVI ZVINGANANGENYI KWAMURI

 TINGATHEMBADI KAMARE ZVINONANGA BHAIBHERI?

Hina, ngo mathangue maviri basi:

  • Jesu wakavonesa zvicazoita Umambo hwa Mwari. Jesu wakajijisa vateveri vake vakumbirire Umambo hwa Mwari huvie zve kuti kuda ka Mwari kuithwe pasi pano.(Mateu 6:9, 10) Jesu wakakhombija kuti mukumbiro wondhou unozodaviriswa kudini.

    Paainga pasi pano, Jesu wakahisa vainga no njara, wakarapa ndhendha zve wakamusa vainga vakafa! (Mateu 15:29-38; Johani 11:38-44) Inga Mutongi wo Umambo hwa Mwari kumbejiyo, Jesu wakanasa kuvonesa ushoni zvicazoita Umambo uhu ku vatongwi vahwo.Apokalipsi 11:15.

  • Zviitiko zvo nyika zvinogondesa kuti Umambo hwa Mwari huri kuza sambiri pano. Jesu wainga akareva kuti Umambo hwa Mwari hucito hwaviisa runyararo pasi pano, nyika yedu yaizotambujika ngo hondo, njara zve mudhuma ngo pasi.Mateu 24:3, 7.

    Nyamasi uno tiri kuvona zviitiko izvi. Tingava no gwinyiso ro kuti Umambo hwa Mwari sambi-sambi hucapeja zvineso izvi zvese.

 ZVOKURANGARIRA

Upenyu hunozonga hwakadini pa mukuvo wo Utongi hwa Mwari?

Bhaibheri rinodavira mubvunjo uu pana NDUYO 37:29 zve ISAIA 65:21-23.