Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Kutambujika kucazombopera hako here?

Kutambujika kucazombopera hako here?

Mungananga kuti . . .

  • hina?

  • haiwa?

  • kangaije?

 BHAIBHERI RINOTI KUDINI?

‘Mwari . . . anozopukusa misoji yese yo mumeso mavo, akucazovi no kufa kana ciriro, kucema kana kuhwajihwa.’—Apokalipse (Cakapangijihwa) 21:3, 4, BIBLIA MAZWI A MWARI.

IZVI ZVINGAREVENYI KWAMURI?

Zvinonanga kuva no gwinyiso ro kuti Mwari andiepi muitisi wo zvineso zvedu.Jakobo 1:13.

Zvinonanga kutondhojwa ngo kuziva kuti Mwari anohwajihwa patinotambujika.Zakaria 2:8.

Zvinonanga vetero yokuti kutambujika kwese kucazopera.Nduyo 37:9-11.

 TINGATHEMBADI KAMARE ZVINONANGA BHABHERI?

Hina, ngo mathangwe matatu basi pakati po mazinji:

  • Mwari anozonda kutambujika no kutama kururama. Rangariranyi mahwajihwe akaita Jehovha Mwari, vandhu vake pavaitambujwa mu nguva yo kare. Bhaibheri rinoti iyena wakazwa kunyangajwa ngo ndava yo “vaxuphi no vatevereri vavo.”Vatongi 2:18, BMM.

    Mwari wainga no mazwiro akavanga ngo pamusoro pa vaya vaihwajisa vamweni. Inga muezaniso Bhaibheri rinoti ‘nyara jinopopomeja ngazi icina ndava’ anojinyenya.Mazwi Akangwara 6:16, 17.

  • Mwari anotaja umwe nga umwe wedu pa ega. Asipi basi mundhu ‘umwe nga umwe anoziva bonezi rake no kuhwajihwa kwake’ asi Jehovha anokuziva!2 Kronike 6:29, 30.

    Ngo kushandisa Umambo hwake, Jehovha sambiri pano acapeja kutambujika ko umwe na umwe. (Mateu 6:9, 10) Pa mukuvo ondhowo, acapa citondhojo ku vayani vanomupsaka ngo mwoyo wese.—Maitiro o Vapostori 17:27; 2 VaKorinto 1:3, 4.

 ZVOKURANGARIRA

Ngenyi Mwari anoregerera kutambujika?

Bhaibheri rinodavira mubvunjo uu pana VAROMA 5:12 zve 2 PEDRU 3:9.