Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MASOKO O KUENGEJERA

Ndirini zve Ngenyi Zvinodikana Kufukija Musoro?

Ndirini zve Ngenyi Zvinodikana Kufukija Musoro?

Ndirini zve ngenyi mwanakaji wo ciKristu anodikana kufukija musoro paanoita mabasa anobatanijwa pa kunamata kwake? Ngatende tivone kuti Pauro wakafemehwa kuti anangenyi ngo pamusoro po shwiro iyi. Iyena wakapa ndhungamiro inodikana patinotema zvivaringo zvakanaka zvokuti zvinokuja Mwari. (1 VaKorinto 11:3-16) Pauro wakazvikhombija mu mativi matatu aticavona: (1) mabasa anoita kuti mwanakaji afukije musoro, (2) pazvinoitihwa zvinoda kuti aite kudaro zve (3) zvinoitisa kuti mwanakaji ashandise ndhungamiro iyi.

Mabasa. Pauro wakananga mabasa maviri: mukumbiro no kuporofita. (Mavhesi 4, 5) Zvokadi kamare, mukumbiro i kunamata Jehovha. Nyamasi uno, kuporofita kunobatanija apo mucumaeri wo ciKristu anoshandisa Bhaibheri kuitira kujijisa. Pauro wainanga kuti mwanakaji anodikana kufukija musoro nguva yese yaanoda kuita mukumbiro kana kujijisa cokwadi co Bhaibheri here? Haiwa. Zvinoenderana no paanongaro ari kuita mukumbiro kana kujijisa.

Pazvinoitwa. Masoko a Pauro anotatija ndau mbiri, kana mugariro wo mabasa—pa mbhuri no pa ungano. Iyena anoti: “Musoro wo mwanakaji i mwanarume; . . . mwanakaji anonamata, nokuti anoporofeta, acikasimiri duku, anoxoravo musoro wake.” (Mavhesi 3, 5) Pa nasiriro yo pa mbhuri, Jehovha wakagaja mwanarume inga musoro wo mwanakaji. Kudari mwanakaji aciziva umusoro hwo mwamuna wake,  anonyoeja mwamuna wake kudari akaita mabasa ao Jehovha wakapa ku mwanarume. Inga muezaniso, kudari ecida kuitisa jijo yo Bhabheri mwamuna wake aripo, kwaizova kunasa kuziva utongi hwo mwamuna ngo kufukija musoro. Mwanakaji anodikana kuita kudaro pikija mwanarumewo wakabhabhatijwa kana kuti aazivi, iyena ndi musoro wo mbhuri. * Kudari anoda kuita mukumbiro kana kujijisa pana mwana wake mudoko wakabhabhatijwa, anodikanavo kufukija musoro, azvidi kunanga kuti mwanewo i musoro wo mbhuri, asi ngo ndava yo utongi wakapuwa mwanarume ari cihwa cakabhabhatijwa co ungano yo ciKristu.

Pauro wakanangira mugariro wo pa ungano eciti: “Kudari aripo ariwese anoda kukanijana, ngaabzizive kuti itisu atizivi kuroveja ibzo, pamwepo no magungano a Mwari.” (Vhesi 16) Mu ungano yo ciKristu, vanarume vakabhabhatijwa ndivona vanotungamirira. (1 Timoti 2:11-14; Vaheberi 13:17) Basi vanarume vakagajwa kuva vakuru no vabatiri vanoshandira ngo vakapuwa mutwaro wo kukorondha mushambi wa Mwari. (Maitiro o Vapostori 20:28) Nguva jimweni, mugariro kangaije ungaita kuti mwanakaji wo ciKristu agajwe kuita basa ro kuti kazinji raizoitwa ngo mwanarume wakabhabhatijwa. Inga muezaniso, iyena kangaije angadikana kutungamirira musongano kuitira basa ro mu munda ngokuti apana mwanarume wakabhabhatijwa kana aazivi kuvia. Kana kangaije angatungamirira jijo yo Bhaibheri yakarongwa pana mwanarume wakabhabhatijwa. * Ngo ndava yo kuti mabasa aya kamare anoitwa ngo ungano yo ciKristu, iyena anodikana kufukija musoro eciziva kuti ari kuita basa raizoitwa kazinji ngo mwanarume.

Ngo divi rimweni, zvizinji zvinoitwa pa kunamata azvikumbiri kuti hambzaji i fukije musoro. Inga muezaniso, hambzaji aidikani kuita kudaro painonga iri kupa mupinguro  mu musongano wo ciKristu, painonga iri kucumaera muzi ngo muzi pamwepo no mwamuna wayo kana mwanarume umweni wakabhabhatijwa, kana painojijisa kana kuita mukumbiro no vana vayo vacikazivi kubhabhatijwa. Zvokadi, mubvunjo jimweni jingamuka zve kudari hambzaji icina cokwadi, ingapsakisisa masoko o kuengejera. * Kudari icindona cokwadi zve kudari hana yayo inoindundira kuti iite kudaro, azvicaizova zvakashata kufukija musoro inga zvinovoneswa pa pikica iri pa mutivi apa.

Zvinoitisa. Pa vhesi yo 10, tinowana mathangwe o kuti ngenyi mwanakaji wo ciKristu anodikana kuita izvi: ‘Ndizvo, mwanakaji anodikana kusimira pamusoro, citatijo co kupurukira, ngo ndava yo ngirozi.’ Cokutanga, vonanyi gama ro kuti, “citatijo co kupurukira.” Kusimira cifukijiro i njira yo kutatija ko mwanakaji kuziva cakapa Jehovha ku vanarume vakabhabhatijwa mu ungano. Ngo kudaro, mwanakaji anotatija rudo hwake pomwe no kugondeka kuna Jehovha Mwari. Thangwe ro cipiri rinowanika pa magama anoti “ngo ndava yo ngirozi.” Kufukijira musoro ko mwanakaji kungapsasa kudini zvisikwa zvokumujimu zvinosimba maningi?

Ngirozi jinodakarira maningi kuvona urongwa ho umwari hwecireremejwa hwecibva ngo mu sangano ra Jehovha, mudenga no pasi. Jinobesehwavo ngo muezaniso jo vandhu vacizivi kukwana pa shwiro iyi. Ngirozi jinodikanavo kuzvidira pasi po nasiriro ya Jehovha—zvakakonehwa kuithwa ngo ngirozi zinji mu nguva yakapera. (Juda 6) Wari, ngirozi jingavona mwanakaji wo ciKristu ana uzivi huzinji, no ungwaru kupinda mwanarume wakabhabhatijwa mu ungano; asi pikija  zvakadaro iyena anozvidira pasi po utongi hwo mwanarume. Mu nguva jimweni, mwanakaji uu i muKristu wakazojwa uwo wokuti kumbejiyo anozotonga pondhopo na Kristu. Mwanakaji uu acazoshanda pa ciimo cakakhwirira kupinda ngirozi zve acatonga pamwepo na Kristu ku matenga. Muezaniso wakanaka zvakadini kuitira kuvoniwa ngo ngirozi! Zvokadi kamare, ndi rudakajiso hukuru kuno hambzaji jese jinotatija kuzwira no kuzvidodokesa kwese zve kuzvidira pasi jecitungamirihwa ngo zviuru no zviuru zvo ngirozi jakagondeka.

^ ndim. 3 Mwanakaji wo ciKristu aadikani kuita mukumbiro ngo izwi guru kudari mwamuna wake ari mutendi aripo kusiapo mugariro ucikanyanyi kuitika, zvakadari inga aacakwanisi kuvereketa ngo kuhwaja.

^ ndim. 1 Hambzaji aidikani kufukija musoro painonga iri kutungamirira jijo yo Bhaibheri yakanasirihwa pano mwanarume ari mucumaeri acikazivi kubhabhatijwa acikaripi mwamuna wake.

^ ndim. 2 Kuitira masoko amweni, tapota vonanyi Murindiri wo 15 Khunguru, 2012, mapheji 26-27, zve yo 15 Musekwa, 1977, mapheji 125-128, (mu ciPutukezi).