Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MASOKO O KUENGEJERA

Mativi Madoko o Ngazi no Kucekwa Peresau

Mativi Madoko o Ngazi no Kucekwa Peresau

Mativi Madoko o Ngazi. Mativi madoko anokashwa-kashwa ngo zviro zvirongomuna zvidoko zvinobviswa mu ngazi—maserura o kupsuka, maserura o kucena, mapraketa no prasma. Inga muezaniso, maserura o kupsuka ana zvinobvikirira zvinozwi hemoglobina. Mutombo unobviswa mu ma hemoglobina o vandhu kana zvinyama unoshandiswa kuitira kurapa vatenda vano ngazi shoma kana varuza maningi ngazi.

Prasma—ina 90 o mapursento o kumwa—inothwara mazana no mazana o ma hormônio, munyu, enzimas no zvokuha kubatanijavo maminerari no sikiri. Prasma inothwaravo zvinokhotesa ngazi (fatores de coagulação), zvinojivirira kuitira kuhwisa ndhendha no zvijiviriro zvinozwi arbhumina. Kudari ari wese akawana ndhendha iri yese, dhokodheya kangaije angamubvunja kuti abaiwe njesau jo gamagrobhurina jakabviswa pa prasma yo mundhu wakahwajavo ndhendha yondhoyo. Maserura o kucena angavavo cine ro ma interferons no ro ma interleucinas, anoshandiswa pa kurapa zvikonye zvimweni zvinopairihwana no kanseri.

MaKristu anodikana kutendera marapihwo anoshandiswa zviro zvidoko zvinobviswa mu ngazi here? Bhaibheri aripi zvimuthyandhya-muthyandhya kamare, asi umwe na umwe anodikana kuita cisungo mu hana mwake pamberi pa Mwari. Vamweni vanosunga kuramba zviro zvese zvidoko zvinobviswa mu ngazi, vacirangarira kuti Mutemo wa Mwari kuna vaIziraeri waida kuti ngazi yokubviswa pa cinyama yaidikana ‘kudururira pasi.’ (Deuteronòmio 12:22-24) Vamweni, vangaramba kudihwa ngazi yo mutero kana zvinoumba ngazi,  kangaije vangatenda marapihwo anobatanija mativi madoko. Kangaije vanorangarira kuti mativi madoko akabviswa mu ngazi aacaimiririzve upenyu hwo mundhu kana cinyama cakabviswaro ngaziyo.

Pamunoita zvisungo ngo pamusoro po zviro zvidoko zvinoumba ngazi, zvibvunjisenyi kudari: Ndinozviziva kuti ngo kuramba zviro zvidoko zvese zvakabviswa mu ngazi zvinonanga kuti ndiri kuramba mutombo jinojivirira ndhendha kana kukhotesa ngazi kuitira kujivirira kupopoma ko ngazi here? Ndinozokwanisa kudurujira dhokodheya kuti ngenyi ndinoramba kana kutenda kushandisa cimwe co zviro zvidoko zvinobviswa mu ngazi here?

Kucekwa peresau. Izvi zvinobatanija hemodiluição no recuperação intraoperatória de células. Pa hemodiluição, ngazi inobviswa mu muviri, modihwa kumwa iciripi ngazi, perepo ngazi yabviswaya yohwirijwazve ku mutenda. Pa recuperação intraoperatória de células inotohwazve ngazi yaruzikaya pa kucekwa peresau yohwirijwazve ku mutenda. Pozvinoitwa, ngazi yopacekwaro yoceneswa kana kudihwa mu firtro kana kuti kususundhwa, perepo yohwirijwazve mu muviri mo mutenda. Zvecivoneka kuti mashandisihwo o mucini jinoitaro izvi anosiyana pa dhokodheya umwe no umweni, muKristu anodikana kuziva mashandisiro anozoita dhokodhea wake.

Pamunoita zvisungo ngo pamusoro po marapihwo aya, zvibvunjisenyi kuti: ‘Kudari ngazi yangu ikabviswa mu muviri mwangu zve kufambirana kwayo kogurika pa cimukuvo, hana  yangu inotendera kuti ndiivonezve inga divi ro muviri wangu, aidikani ‘kuidururira pasi here’? (Deuteronòmio 12:23, 24) Kureva kuti hana yangu yakarovejwa ngo Bhaibheri yaizogara yakapsipa kudari pa mukuvo wo kuraphwa, ngazi yangu ikaamba kubviswa yodihwa pamutivi, yobvengwa no mutombo, perepo yozohwirijwazve mu muviri mwangu here? Ndinozviziva kuti kuramba marapihwo ari ese anobatanija kushandisa ngazi yangu ndiri kuramba kupopohwa ngazi, shingamo kana kushandiswa ko mucini wo kutambisa-mwoyo here?’

 MuKristu anodikana kutema civaringo cake ega kuti anoda kuti ngazi yake itajwe kudini paanonga ecicekwa peresau. Zvondhozvo zvinoshandavo pa kupopohwa ndi dhokodheya no marapihwo o wari anobatanija kubvisa padoko ngazi, yodihwa mutombo, kakuihwirijazve ngo njesau.