Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 6

Ngo Yapi Vetero Kuno Vakafa ?

Ngo Yapi Vetero Kuno Vakafa ?

1. Ngoapi masoko akanaka ngo pamusoro po vakafa?

Jesu naaguma mu Bhetania phedo no Jerusarema, jainga ja pinda njiku murongomuna shamwari yake Razaro nayafa. Jesu wakaenda ku guva na Maria pomwe na Marita, ampsaji ja nyakufa. Pamukuvo mudoko, painga paano mbungano. Mungakwanisa kurangarira mudakaro wakava na Marita pomwe Maria apo Jesu wakamusa Razaro here?​—Verenganyi Johani 11:21-24, 38-44.

Marita wainga ecimaziva masoko akanaka ngo pamusoro po vakafa. Iyena waiziva kuti Jehovha acamusa vakafa kuti vararamezve pa nyika.​—Verenganyi Jobe 14:14, 15.

2. Ngowapi mugariro wo vandhu vakafa?

Mwari wakati kuna Adhamu: “Ngokuti uri bukuta, unozohwirirabze ku bukuta.”​—GENESI 3:19.

Vandhu vakaithwa ngo bukuta. (Genesi 2:7; 3:19) Itisu atiripi mujimu uno rarama mu muviri wo nyama. Tiri zvisikwa zvokunyama, tikafa atina divi rino pokonyoka. Patinofa uruzvi hwedu hunofavo, murangariro wedu unopera. Ngo kudaro, Razaro apana caakananga ngo pamusoro po zvaakavona mu rufu ngo kuti vakafa apana cavanoziva.​—Verenganyi Nduyo 146:4; Mucumaeri 9:5, 6, 10.

Mwari ano tambuja vandhu vakafa ngo muriro here? Kudari Bhaibheri recitatija kuti vakafa apana cavanoziva, zviri pambhene kuti jijiso yo gomba ro muriro, ngo yo kunyepa zve  inoshora Mwari. Murangarijo wokuti anotambuja vandhu ngo muriro unomunyangaja.​—Verenganyi Jeremia 7:31.

Vonanyi vhidhio inoti Ngowapi Mugariro wo Vandhu Vakafa?

3. Vakafa vangabhuya nesu here?

Vakafa avangavereketi kunyazi kuzwa. (Nduyo 115:17) Asi, kuna ngirozi jimweni jakashata, ijona jingabhuya no vandhu jecicengejera kuva vandhu vakafa. (2 Pedru 2:4) Jehovha anorambija kueja kubhuya no vandhu vakafa.​—Verenganyi Deuteronòmio 18:10, 11.

4. Ndiyani anozomuswa?

Zviuru no zviuru zvo vandhu vakafa vari mu maiba vacazoraramazve pa nyika. Pikija vamweni, vacizivi kuziva Mwari zve vakaita zvakashata, vanozomuswavo.​—Verenganyi Luka 23:43; Maitiro o Vapostori 24:15.

Vayani vacazomuswa, vanozokwanisa kujija zvokadi ngo pamusoro pa Mwari zve votatija gonda ravo kuna Jesu ngo kumuzwira. (Apokalipsi [Cakapangijihwa] 20:11-13) Vaya vacamuswa zve voita zvakanaka vanozobusa upenyu hucingaperi pasi pano.​—Verenganyi Johani 5:28, 29.

5. Kumuswa ko vakafa kunotibvunjenyi ngo pamusoro pa Jehovha?

Mwari wakaita kuti kuve no vetero ngo pamusoro po vakafa ngo kutumira Mwana wake kuzotifira. Ngo kudaro kumuka ko vakafa kunotitatija rudo zve unyasha hucikatifaneri hwa Jehovha. Pavanomuswa vakafa, ndiani wo maida kuvona?​—Verenganyi Johani 3:16; VaRoma 6:23.