Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 4

Ndiani Jesu Kristu?

Ndiani Jesu Kristu?

1. Hwakatangisa kudini upenyu hwa Jesu?

Mugariro japi jaiita kuti Jesu ave anokhwederereka?—MATEU 11:29; MARCO 10:13-16.

Kusiana no vandhu vamweni, Jesu wakararama mugore inga mundhu wo mujimu acito abahwa pasi pano. (Johani 8:23) Iyena wainga cisikwa cokutanga ca Mwari zve wakabesera mu kuruhwa ko zviro zvimweni. Ndiena basi wakaruhwa kamare ndi Jehovha zve ndizvona zvinoita kuti afanere kudanijwa kuti ndi mwana umwe basi wo “dangwe” wa Mwari. (Johani 1:14) Jesu wakashanda inga Sadombo ra Mwari, ndiyo ndava anodanwa “Izwi”.​—Verenganyi Mazwi Akangwara 8:22, 23, 30; VaKolosi 1:15, 16.

2. Ngenyi Jesu wakavia pasi pano?

Mwari wakatumira Mwana wake pasi pano ngo kuthuthisa uhomi hwake kubva mu gore kuendesa mu ndani yo mbhandwe yo ci Judha yaizwi Maria. Ngo kudaro Jesu aazivi kuva na baba vo umundhu. (Luka 1:30-35) Jesu wakavia panyika (1) kuti azojijisa zvokadi ngo pamusoro pa Mwari, (2) kuzotigajira muezaniso kuti tingaitisa kudini kuda ka Mwari pikija  tiri mu zvineso zve (3) kuzopa upenyu hwake hwakaperera inga ”muripo”.​—Verenganyi Mateu 20:28; BMAA.

3. Ngenyi tinoda muripo?

Muripo mutengo unoriphwa kuitira ku budisa mundhu mu kutongehwa nyathwa. (Exodo 21:29, 30) Rufu no ukarahwa azvicaingepi divi ro kutanga ro cidisiso ca Mwari ku vandhu. Tinozvizivisa kudini izvi? Mwari wakabvunja mundhu wo kutanga, Adhamu, kuti kudari aizoita zvinodanijwa ngo Bhaibheri kuti ”uxaixi” waizofa. Kudari Adhamu acizivi kushaisha, iyena aacaizofepi. (Genesi 2:16, 17; 5:5) Mu kuzwirana  no Bhaibheri, rufu “hwakangwina” mu nyika yo vandhu vese ngo ndava ya Adhamu. Ngo kudaro, Adhamu wakapairira mubarihwana wake cishaishi zve no kutongehwa rufu. Itusu tinoda muripo kuti utisujunure mu kutongehwa kufa kwatakagara utaka kubva kuna Adhamu.​—Verenganyi VaRoma 5:12; 6:23.

Ndiani waizoripa muripo kuti atipokonyore kubva mu rufu? Patinofa, tinoripa kutongehwa kwedu nyathwa pacedu basi. Mundhu acizivi kuperera aangakwanisi kuripira zvishaishi ku vamweni.​—Verenganyi Nduyo 49:7-9.

4. Ngenyi Jesu wakafa?

Kusiana na itusu, Jesu wainga akaperera. Ngo kudaro azvicaifanerepi kuti afire zvishaishi zvake—iyeya aazivi kumboshaisha. Kunja kwa izvi, Jesu wakafira zvishaishi zvo vamweni. Mwari wakatatija rudo hunokahamarisa ku mushovo wese wo vandhu ngo kutuma Mwana wake umwe basi kuti atifire. Jesu wakatatijavo rudo kwatiri ngo kupurukira Baba vake zve no kupira upenyu hwake ku zvishaishi zvedu.​—Verenganyi Johani 3:16; VaRoma 5:18, 19.

Vonanyi vhidhio inoti Ngenyi Jesu Wakafa?

5. Jesu ari kuitenyi zvino?

Paainga pasi pano, Jesu wakarapa vaihwaja, wakamusa vakafa no kupokonyora vainga mu ngozi. Iyena wakatatijira zvaacazoitira vandhu vese vanopurutana kumbejiyo. (Mateu 15:30, 31; Johani 5: 28) Pakupera kufa ka Jesu, Mwari wakamumusira ku upenyu inga mundhu wo kumujimu. (1 Pedru 3:18) Zvapera izvi, Jesu wakavetera ku mukono muho kugumira Jehovha amupa simba ro kutonga inga Mambo pasi pese. (Vaheberi 10:12, 13) Zvino Jesu ari kutonga inga Mambo mu gore zve vateveri vake vari kuzivisa masoko aya akanaka munyika yese.​—Verenganyi Danieli 7:13, 14; Mateu 24:14.

Sambi-sambi, Jesu anozoshandisa simba rake inga Mambo kuti apeje kutambujika kwese no vanokuitisa. Vese vanodira gonda muna Jesu ngo kumupurutana vanozobusa upenyu mu paradhesi pasi pano.​—Verenganyi Nduyo 37:9-11.