Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 11

Mutemo ja Mwari Jinotibeseresa Kudini?

Mutemo ja Mwari Jinotibeseresa Kudini?

1. Ngenyi tinoda ndhungamiro?

Zvokadi jo Bhaibheri jinotindundisa kudini kuti tibvikirike ngo kuva tinobhasopa?—NDUYO 36:9.

Musiki wedu wakangwara kupinda itusu. Inga Baba vano rudo, iyena anotitaja. Iyena aazivi kuronga kuti tijitonge. (Jeremia 10:23) Kufanana no mwana mudoko anoda ndhungamiro yo vabari, tese tinoda kutungamirihwa ndi Mwari. (Isaia 48:17, 18) Mutemo jo Bhaibheri jinopa ndhungamiriro jiri cipo cinovha kuna Mwari.​—Verenganyi 2 Timoti 3:16.

Mutemo ja Jehovha jinotijijisa njira yakanaka yo upenyu zvino zve jinotitatija njira jatingawana ndijona mupfupo wo kwenda no kwenda. Ngo kuti Mwari wakatisika, zvakafanea kuti atipe ndhungamiro, ngo kudaro tinodikana kubonga ndhungamiro jake no mudakaro.​—Verenganyi Nduyo 19:7, 11; Apokalipsi 4:11.

2. Izwi ra Mwari rinotitungamiririsa kudini?

Zvokadi zvimweni zvo Bhaibheri zvinotitatija zvinoda Mwari kuti tiite mu mugariro jakawanda. Mutemo jimweni jinoshandiswa mu mugariro jakanangwa kamare. (Deuteronomy 22:8) Tinodikana kushandisa simba ro kurangarija kuti tizwisise zvatinobvunjwa ngo zvokadi jo Bhaibheri kuti tiite. (Mazwi Akangwara 2:10-12) Inga muezaniso, Bhaibheri rinotijijisa kuti upenyu i cipo cinovha kuna Mwari. Zvokadi iyi huru ingatitungamirira ku basa, pamuzi zve patinonga teciita hwendo. Inotitungamirirazve kuti ticadira upenyu hwedu mu ngozi.​—Verenganyi Maitiro o Vapostori 17:28.

3. Ngo japi mutemo muviri mukuru?

Jesu wakananga mutemo muviri mukuru maningi jinodikana. Wo kutanga unovonesa cidisiso co upenyu hwo vandhu—kuziva  Mwari, kumuda zve kumushandira no gonda rese. Mutemo uu wo kutanga unodikana kubatanijwa mu zvisungo zvedu zvese. (Mazwi Akangwara 3:6) Vaya vanotora mutemo iji vojidira mu hana vanowana ushamwari na Mwari, mudakaro wo kadi-kadi zve upenyu ucingaperi.​—Verenganyi Mateu 22:36-38.

Mutemo wo cipiri ungatitungamirira mu ushamwari hwo rugare no vamweni. (1 VaKorinto 13:4-7) Kushandisa mutemo uu kunobatanija kutevejera njira ya Mwari mu kutaja vandhu.​—Verenganyi Mateu 7:12; 22:39, 40.

4. Mutemo jo Bhaibheri jinotibeseresa kudini?

Mutemo ja Mwari jinojijisa mbhuri kuti jingabatanisana kudini ngo rudo. Izwi ra Mwari rinovhikirazve mbhuri ngo kujijisa ndmungamiriro imweni yo kuti​—mucadho inodikana kuva yo kwenda no kwenda.​—Verenganyi Genesi 2:24

Ngo kuteveja jijiso jo Bhaibheri tingavhikirika mu nyama no mu murangariro. Inga muezaniso, mune wo koponi kazinji anoda mushandi anoteveja mutemo jo Bhaibheri jo kuva wakagondeka zve anoshanda ngo simba. (Mazwi Akangwara 10:4, 26; Vaheberi 13:18) Izwi ra Mwari rinotijijisazve kuva mundhu anodakara ngo zvatinazvo pomwe no kureremeja ushamwari na Mwari kupinda zviro zvo kunyama.​—Verenganyi Mateu 6:24, 25, 33; 1 Timoti 6:8-10.

Kushandisa mutemo jo Bhaibheri kungavhikira uhomi hwedu. (Mazwi Akangwara 14:30; 22:24, 25) Inga muezaniso, kuzwira mutemo wa Mwari ngo pamusoro po kudhakwa kunotivhikira mu ndhwaji, ndhenda jinouraya zve ngozi. (Mazwi Akangara 23:20) Jehovha anotitendera kumwa doro asi kumwa zvinomudida. (Nduyo 104:15; 1 VaKorinto 6:10) Mutemo ja Mwari jinotibesera ngo kutijijisa kuti titame kungwarira basi zviito zvedu asi murangariro jedu. (Nduyo 119:97-100) Hina, maKristu o okadi-kadi aareremeji mutemo ja Mwari hawo kuti abesereke basi. Anozviita kuti akuje Jehovha.​—Verenganyi Mateu 5:14-16.