Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 13

Ngo Api Masoko Akanaka Ngo Pamusoro Po Ciara?

Ngo Api Masoko Akanaka Ngo Pamusoro Po Ciara?

1. Zviara zvese zvakanaka here?

Ngo zvokadi kuti mu zviara zvese muno vandhu vakanaka mwoyo. Aya masoko akanaka o kuti Mwari anovona vandhu ava zve anovataja. Asi zvinozwisa urombo kuti zina ro ciara rinocishandiswa mukuita ushati hunosusumbhaja. (2 VaKorinto 4:3, 4; 11:13-15) Mukuzwirana no ripoti jo masoko, zviara zvimweni zviri kunghwiniravo mu uthyisijiri, kuhwisana ko majinja, hondo zve kuvatana no zvivana. Kunyangajisa zvakadini ku vano tenda Mwari ngo mwoyo wese!​—Verenganyi Mateu 24:3-5, 11, 12.

Apo ciara cokadi-kadi cinokuja Mwari, ciara co kunyepa cinomurerusa. Cinojijisa murangariro jicingabvi mu Bhaibheri, kubatanija jijiso jo kunyepa ngo pamusoro pa Mwari zve no mugariro wo vakafa. Asi Jehovha anoda kuti vandhu vazive zvokadi ngo pamusoro pake.​—Verenganyi Ezekieli 18:4; 1 Timoti 2:3-5.

2. Ngo api masoko akanaka ngo pamusoro po ciara?

Zvinodakajisa kuti, Mwari aadakajiswi ngo zviara zvinokhuwa kuti zvino muda asi izvona zvinoda nyika ya Sathana. (Jakobo 4:4) Izwi ra Mwari rinonangira zviara zvese zvo kunyepa inga ‘Babilonia Guru’. Bhabhironi rainga dhorobha ro kare makatangira kunamata ko kunyepa pakupera ko Ndambi yo munjiku ja Nowa. Sambi-sambi Mwari anozoviisa ruparajo hunozwisa urombo ku zviara zvinocengeja no kubzinyirira vandhu.​—Verenganyi Apokalipsi 17:1, 2, 5, 16, 17; 18:8.

Kuno masoko amweni akanaka. Jehovha aazivi kukanganwa vandhu vano mwoyo yakanaka vari mu zviara zvo kunyepa mu nyika yese. Iyena anobatanija vandhu ava ngo kuvajijisa zvokadi.​—Verenganyi Mikeya 4:2, 5.

 3. Vanodikana kuitenyi vano mwoyo yakanaka?

Ciara co kadi-kadi ciri kubatanija vandhu

Jehovha anokorondha vandhu vanoda zviro zvokadi no zvakanaka. Iyena anovakohomeja kuti vasiye ciara co manyepo. Vandhu vanoda Mwari ngo kuda kwavo vanoita cinjo kuti vamudakajise.​—Verenganyi Apokalipsi 18:4.

Mu zana ro kutanga ro makore, apo vandhu vo kunaka mwoyo vakazwa masoko akanaka ecivha ku vapostori, vakamaashira no mudakaro. Vakajija njira impsa yo upenyu kuvha kuna Jehovha, njira inodakarisa yo kuupenyu pamwepo nocidisiso zve vetero. Ivona muezaniso wakanaka kwatiri ngo kuti vakadavira masoko akanaka ngo kudira Jehovha pakutanga mu upenyu hwavo.​—Verenganyi 1 VaTesalònika 1:8, 9; 2:13.

Jehovha anoashira no mudakaro wese mu mbhuri yake yo vanamati, vayani vanobuda ku ciara co kunyepa. Kudari imwimwi mukatendera mukoka wa Jehovha wo rudo, munozowana ushamwari naye, mbhuri impsa ino rudo yo vadoni vo kunamata Jehovha zve upenyu hucingaperi.​—Verenganyi Marco 10:29, 30; 2 VaKorinto 6:17, 18.

4. Mwari anozoitisa kudini kuti aviise mudakaro mu nyika yese?

Kuziva kuti rutongeso huri kuvia ku ciara co kunyepa i masoko akanaka. Hunozoviisa rusujunuko kuvha ku kubzinyirihwa. Ciara co kunyepa na rini acicazocengejizve no kupausa vandhu. Vandhu vese vanorarama vanozobatanijwa mu kunamata Mwari umwe basi wo kadi-kadi.​—Verenganyi Apokalipsi 18:20, 21; 21:3, 4.