Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 3

Masoko Aya Akanaka anobva ka Mwari kamare here?

Masoko Aya Akanaka anobva ka Mwari kamare here?

1. Ndiyani mune wo Bhaibheri?

Masoko akanaka okuti vandhu vanozorarama kwenda no kwenda pa nyika, ari mu Bhaibheri. (Nduyo 37:29) Bhaibheri rino mabhuku madoko anokwana 66. Mwari wakashandisa vandhu vanokwana 40, vakagondeka kuti vatare Bhaibheri. Mabhuku mashanu okutanga akatahwa ndi Mosi mu makore anokhwedera 3.500 akapera. Bhuku ro kupejisira rakatahwa ndi mupostori Johani mu makore 1.900 cakapera. Vatari vo Bhaibheri vakatara murangariro jaani? Mwari wakadavijana no vatari vo Bhaibheri ecishandisa mujimu wake mucena. (2 Samueli 23:2) Ivona vakatara murangariro ja Mwari, kuciripi javo vambhwine. Ngo kudaro Jehovha ndiena mune wo Bhaibheri.​—Verenganyi 2 Timoti 3:16; 2 Pedru 1:20, 21.

Vonanyi vhidhio inoti Ndiani Wakatara Bhaibheri?

2. Icinyi cinotikhohwesa kuti Bhaibheri ngorokadi?

Tinoziva kuti Bhaibheri rinobva kuna Mwari ngo kuti rakanasa kusaza ngo zvo kumbeji mu njira yakanasa kurungama. Apana mundhu angazvikwanisa. (Joxwa 23:14) Mwari wo Masimba ese basi ngo angakwanisa kuvona kumbeji ko vandhu munjira yakarungama.​—Verenganyi Isaia 42:9; 46:10.

Taizovetera kuti bhuku rinobva kuna Mwari rive rimwe, zvokadi ndirimwe basi. Mabhiriau o makhopi o Bhaibheri akakovaniswa mu mazana o ndimi. Pikija riri ro kare, Bhaibheri rinozwirana no siencia yakatendehwa. Cimwenizve, vatari vanokwana 40 zvavakatara zvinozwirana. * Mukuengejera, zvarinobhuya ngo pamusoro po rudo zvinotatija kuti rinobva ka Mwari umwe basi wo kadi-kadi ano rudo zve ricindori no simba ro kucinja upenyu hwo vandhu kuti huve hwakanaka. Zvitatijo  izvi zvinokhohwesa zviuru zvo vandhu kuti Bhaibheri Izwi ra Mwari.​—Verenganyi 1 VaTesalònika 2:13.

Vonanyi vhidhio inoti Icinyi Cinotikhohwesa kuti Bhaibheri Ngorokadi?

3. Ngoapi masoko ari mu Bhaibheri?

Bhaibheri rinovereketa ngo masoko akanaka okuti Mwari anocidisiso co rudo ku vandhu vese. Matahwa anosanangura ngo ndava yokuti rudakajiso hwo mundhu hwo kurarama mu paradhesi pasi pano hwakaruzika ngo kukasika mu zviitiko zvo vandhu zve mamusijihwe anozoithwa paradhesi.​—Verenganyi Apokalipsi 21:4, 5.

Izwi ra Mwari rino mutemo, ndhungamiro zve ngwajo. Mu kuengejera, Bhaibheri rinosazanura ngo ndava yo ciitiko ca Mwari no vandhu—ciitiko cinovonesa undhu hwa Mwari. Ngo kudaro, Bhaibheri ringamubesera kuti muzive Mwari. Rinosanangura njira jamungatevera kuti muve shamwari yake.​—Verenganyi Nduyo 19:7, 11; Jakobo 2:23; 4:8.

4. Mungaitenyi kuti muzwisise Bhaibheri?

Bhurushura iri rinozomubesera kuti muzwisise Bhaibheri ngo kushandisa mazano akashandiswa ndi Jesu. Iyena wainanga tsamba imwe yo mu Bhaibheri perapo onangazve imweni zve waidurujira “bzainangwa mu Matahwa”.​—Verenganyi Luka 24:27, 45.

Masoko akanaka anobva kuna Mwari, anodakajisa maningi kupinda zviro zvese. Hina, vandhu vamweni avana haraka no masoko akanaka zve vamweni vanotonyangajwa ndiona. Mucadorembeswa. Vetero yenyu yo kuzobusa upenyu hucingaperi inofira pa kuziva kwenyu Mwari.​—Verenganyi Johani 17:3.

 

^ ndim. 3 Vonanyi bhurushura Um Livro Para Todas as Pessoas.