Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 15

Ngenyi Munodikana Kuenderera Mberi?

Ngenyi Munodikana Kuenderera Mberi?

1. Mungaitisa kudini kuti muenderere mberi no jijo yenyu yo Bhaibheri?

Pacina kukana-kana, zvishoma izvi zvanangwari zvo jijiso huru jo mu Bhaibheri zvakavangisa rudo hwenyu kuna Jehovha. Rudo uhu hunodikana maningi kusakurihwa nguva jese. (1 Pedru 2:2) Vetero yenyu yo upenyu hucingaperi inofira pa kuenderera kwenyu mberi mecikhwedera phedo na Mwari ngo kujija Izwi rake.​—Verenganyi Johani 17:3; Juda 21.

Pamunonga mecikura mu zivo ya Mwari, gonda renyu rinozovanga. Gonda rinozomubesera kuti mu dakajise Mwari. (Vaheberi 11:1, 6) Rinozomundunda kuti mukhauye zve kuita cinjo jinodikana mu njira jenyu jo upenyu.​—Verenganyi Maitiro o Vapostori 3:19.

2. Zivo yenyu ingabesesa kudini vamweni?

Mungarikumbira kuitira kuti munghwine mu ushamwari kamare na Jehovha

Ngo zvokadi kuti munozodavo kukovana no vamweni zvamakajija—tese tinodakara ngo kuvereketa masoko akanaka. Pa munoenderera mberi mecijija Bhaibheri, munozojija mashandisire amungariita kuti musanangurire gonda renyu vamweni ngo pamusoro pa Jehovha zve masoko akanaka.​—Verenganyi Mateu 24:14; VaRoma 10:13, 14.

Vandhu vazinji vanotanga ngo kukovana masoko akanaka no shamwari kana vo paukama. Ivanyi no mazano aushoni. Kunja ko kuvavhunja kuti gonda ravo asipi rokadi-kadi, vabvunjenyi zvigondiso zva Mwari. Cimwenizve, ceukijanyi kuti vandhu kazinji vanoshamaiswa ngo kuvatatija kunaka mwoyo kuciripi ngo zvamunovereketa.​—Verenganyi 2 Timoti 2:24, 25.

3. Ushamwari hwenyi hwamungava nahwo na Mwari?

Kujija Izwi ra Mwari kunozomubesera kuti mukure mu mujimu. Mungakwanisa kuva mu ushamwari kamare na Jehovha.  Wari mungakwanisa kuva wake inga cihwa co mbhuri yake.​—Verenganyi VaKorinto 6:18.

4. Mungaitisa kudini kuti murambe mecikura?

Mungakura mu mujimu ngo kuenda mberi mecijija Izwi ra Mwari. (Vaheberi 5:13, 14) Kumbiranyi umwe wo zvapupu zva Jehovha kuti ajije nemwi Bhaibheri mecishandisa bhuku O Que a Bíblia Realmente Ensina? Pamunojija zvizinji ngo kubva mu Izwi ra Mwari, upenyu hwenyuvo hunobudirira ushoni.​—Verenganyi Nduyo 1:1-3; 73:27, 28.

Masoko akanaka anobva kuna Jehovha, Mwari wakadakara. Mungakhwedera phedo no vandhu vake. (Vaheberi 10:24, 25) Ngo kuenderera mberi no kuvangisira kwenyu kuti mudakajise Jehovha, muri kudadamira upenyu kamare—hucingaperi. Kukhwedera phedo na Mwari ndicona ciro cakanakisisa kamare camungaita.​—Verenganyi 1 Timoti 1:11; 6:19.