Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 7

Icinyi Umambo hwa Mwari?

Icinyi Umambo hwa Mwari?

1. Icinyi Umambo hwa Mwari?

Ngenyi Jesu ndi Mambo wakafanea?​—MC 1:40-42.

Umambo hwa Mwari utongi hwo mugore. Hunozofakea jiutongi zve hunozoita kuti kuda ka Mwari kuitike mugore no pasi. Masoko ngo pamusoro po Umambo hwa Mwari ngo aushoni. Sambi-sambi Umambo hwa Mwari hunozogutisa cido co vandhu ngo kushandisa utongi hwa ushoni. Hunozobatanija vandhu vese vanorarama panyika.​—Verenganyi Danieli 2:44; Mateu 6:9, 10; 24:14.

Umambo hunodikana kuva na mambo. Jehovha wakagaja Mwana wake, Jesu Kristu, kuti ave Mambo wo Umambo hwake.​—Verenganyi Apokalipsi 11:15.

Vonanyi vhidhio inoti Icinyi Umambo hwa Mwari?

2. Ngenyi Jesu ndi Mambo wakafanea?

Mwana wa Mwari ndiyena Mambo wakafanera ngo kuti wakanaka mwoyo zve wakavanga pakujivirira zviro zvakanaka. (Mateu 11:28-30) Anosimba ro kubesera vandhu ngo kuti anozotonga pasi pese ari mugore. Naapera kumuswa, wakakhwira mugore zve wakavetera ari kumukono muho wa Jehovha. (Vaheberi 10:12, 13) Pakupejisira, Mwari wakamupa simba ro kuti atange kutonga.​—Verenganyi Danieli 7:13, 14.

3. Ndiani anozotonga na Jesu?

Cikwata cinodanijwa “vacena mwoyo” cinozotonga na Jesu mu gore. (Danieli 7:27) Vacena mwoyo vo kutanga vakakhethwa vainga vapostori vakagondeka va Jesu. Jehovha ari kuenderera mberi ecisana vanarume no vanakaji vakagondeka  inga vacena, kugumira nyamasi uno. Kufanana na Jesu, vanomuswa no muviri wo mujimu.​—Verenganyi Johani 14:1-3; 1 VaKorinto 15:42-44.

Vandhu vangana vanoenda mugore? Jesu wakavadanija kuti “muxambi mudoko”. (Luka 12:32) Pakupejisira mutengo wavo unozova 144.000. Ivona vanozotonga pasi pese na Jesu.​—Verenganyi Apokalipsi 14:1.

4. Icinyi cakaitika Jesu paakatanga kutonga?

Umambo hwa Mwari hwakatanga kutonga mu gore ro 1914. * Ciito ca Jesu co kutanga inga Mambo cakava co ku khandira Sathana no madhimoni ake pasi pano. Sathana wakanyangajwa maningi zve wakatanga kuitisa zvineso pasi pano. (Apokalipsi 12:7-10, 12) Kubvira nguva yondhoyo, kugomera ko vandhu kuri kuramba kwecikhwirira. Hondo, njara, ndhenda zve mudhuma ngo pasi zvese izvi mativi o “bzitatijo” zvokuti Umambo sambi-sambi ucazova mutungamiriri wo shwiro jo pasi pano.​—Verenganyi Luka 21:7, 10, 11, 31.

5. Huri kuitenyi Umambo hwa Mwari?

Ngo basa ro kucumaera pasi pese, Umambo hwa Mwari huri kubatanija boka guru ro vandhu kubva mu majinja ese. Zviuru no zviuru zvo vandhu vakapfava vari kuva vatongwi va Jesu. Umambo hwa Mwari hunozovajivirira pa hunozoparaja mugariro uno wo zviro pasi pano. Vese vanoda besero yo Umambo hwa Mwari vanodikana kujija kuva vatongwi vanopurutana va Jesu.​—Verenganyi Apokalipsi 7:9, 14, 16, 17.

Mukati mo 1.000 co makore, Umambo hunozokwanirisa cidisiso ca Mwari co kutanga ku vandhu vese. Pasi pese panozova paradhesi. Pakupejisira, Jesu anozohwirijazve Umambo kuna Baba vake. (1 VaKorinto 15:24-26) Imwimwi munoziva ari wese wamungabhuya naye ngo pamusoro po Umambo hwa Mwari here?​—Verenganyi Nduyo 37:10, 11, 29.

 

^ ndim. 6 Kuti muzive cimwe nga cimwe cokuti Bhaibheri rakanangenyi ngo ndava yo gore ro 1914, vonanyi matsamba 215-218 o bhuku Bhaibheri Rinojijisenyi Kamare?