Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 1

Icinyi masoko akanaka?

Icinyi masoko akanaka?

1. Ngo api masoko anobva kuna Mwari?

Mwari anoda kuti vandhu vabuse upenyu pasi pano. Iyena wakarura pasi no zviro zvese zviripo ngo kuti anorudo no vandhu. Sambi-sambi acaita kuti vandhu vese vave no kumbeji kwakanaka. Iyena acapokonyora vandhu vese pa zviana zvinobara matambujiko.​—Verenganyi Jeremia 29:11.

Apana utongi hunokwanisa kubudirira mu kupeja uphanga, ndhendha kana rufu. Asi kuno masoko akanaka. Sambi-sambi Mwari acacinja umambo hwese hwo vandhu ngo utongi hwake. Vatongwi vahwo vacabusa mutendere zve no uhomi hwa ushoni.​—Verenganyi Isaia 25:8; 33:24; Danieli 2:44.

2. Ngenyi masoko akanaka ngo o kukasika?

Kutambujika kucazopera apo Mwari acapeja vandhu vakashata panyika. (Sofonia 2:3) Izvi zvicaitika rini? Izwi ra Mwari rakaphorofita ngo magariro ari kutambuja vandhu. Zviri kuitikari wari zviri kutatija kuti mukuvo wo kuti Mwari aite ciito uri phedo.​—Verenganyi 2 Timoti 3:1-5.

3. Tinodikana kuitenyi?

Tinodikana kujija ngo pamusoro pa Mwari kubva mu Izwi rake, Bhaibheri. Rakafanana no tsamba yatinopuwa yecibva kuna baba vano rudo. Irona rinotibvunja mabusire atingaita upenyu wari zve no mabusire atingaita upenyu hwo kwenda no kwenda kumbejiyo. Zvokadi, vamweni avangadakari ngo kuti muri kuwana besero yo kuzwisisa BhaibheriAsi mukana wo kumbeji kwakanaka, mucadouruza ngo kuti wakanaka maningi.​—Verenganyi Mazwi Akangwara 29:25; Apokalipsi (Cakapangijihwa) 14:6, 7.