Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 14

Ngenyi Mwari Ano Caunga?

Ngenyi Mwari Ano Caunga?

1. Ngenyi Mwari wakaronga Iziraeri wo kare?

Mwari wakaronga mubarihwana ja baba Abrahama inga jinja zve kujipa bumbiro ro mutemo. Wakadanija jinja iri kuti “Iziraeri” zve wakariita mungwariri wo kunamata ko kadi-kadi no wo izwi rake. (Nduyo 147:19, 20) Vandhu vo majinja ese vaizobesereka kubva ku vaIziraeri.​—Verenganyi Genesi 22:18.

Mwari wakakheta vaIziraeri kuti vave zvapupu zvake. Ciitiko cavo co kare cinotatija kuti vandhu vangabeserekesa kudini ngo kupurukira mutemo ja Mwari. (Deuteronòmio 4:6) Ngo kudaro, ngo pamusoro pa Iziraeri, vamweni vaizokwanisa kuziva Mwari wokadi-kadi.​—Verenganyi Isaia 43:10, 12.

2. Ngenyi maKristu o kadi-kadi akarongwa?

Ngo kufamba ko nguva, Iziraeri wakaruza nyasha ja Mwari, zve Jehovha wakafakeya jinja iri ngo ungano yo ciKristu. (Mateu 21:43; 23:37, 38) Zvino, pa ndau po va Iziraeri, maKristu o kadi-kadi anoshanda inga Zvapupu zva Jehovha.​—Verenganyi Maitiro o Vapostori 15:14, 17.

Jesu wakaronga vateveri vake kuti vacumaere zve kuita vajiji mu majinja ese. (Mateu 10:7, 11; 24:14; 28:19, 20) Basa iri riri kuenda ku mugumo waro zvino, mukupejisira ko mugariro uno wo zviro. Pakutanga ko ciitiko, Jehovha ari kuunganija zviuru no zviuru kubva mu majinja ese mu kunamata ko kadi-kadi. (Apokalipsi [Cakapangijihwa] 7:9, 10) MaKristu okadi-kadi akarongwa kuti avangisane zve kubesana. Mu nyika yese, vanobusa urongwa hwakatojana hwo jijiso yo Bhaibheri mu musongano javo.​—Verenganyi VaHeberi 10:24, 25.

3. Cakaambisa kudini caunga co mazuva ano co Zvapupu zva Jehovha?

Mu makore 1870 cikwata cidokowani co vajiji vo Bhaibheri cakatanga kufumbhura zvokadi jo Bhaibheri jainga  jaruzika. Vakaziva kuti Jesu wainga akaronga ungano yo ciKristu kuti icumaere, ngo kudaro vakatanga fafanya yo nyika yese yo kutokotesa Umambo. Mu makore 1931 vakatora zina rokuti Zvapupu zva Jehovha.​—Verenganyi Maitiro o Vapostori 1:8; 2:1, 4; 5:42.

4. Zvapupu zva Jehovha zvakarongeswa kudini?

Muzana ro kutanga ro makore, ungano jo ciKristu mu nyika jimweni jakabesehwa ngo mukhumbi waitonga wainga pa cine, waingaia wakaziva Jesu inga Musoro wo ungano. (Maitiro o Vapostori 16:4, 5) Kufananavo na nyamasi uno, Zvapupu zva Jehovha mu nyika yese zvinobesehwa kubva ku Mukhumbi Unotonga wo vakuru vano ruzivo. Mukhumbi Unotonga unovonerera macine o Zvapupu zva Jehovha anosanduja , anodhinda zve anokovanisa ma bhuku o Bhaibheri mu ndimi jinodarika 600. Mukhumbi Unotonga uwu, ungapa vangiso inovha mu Matahwa zve ndhungamiro mu ungano jinodarika 100.000 mu nyika yese. Mu ungano imwe na imwe, vanarume vanokwanirisa vanoshanda inga vakuru kana vabatiri vanoshandira. Vanarume ava ngo rudo hwese vanovonerera mushambi wa Mwari.​—Verenganyi 1 Pedru 5:2, 3.

Zvapupu zva Jehovha zvakarongwa kuti zvicumaere masoko akanaka zve kuita vajiji. Inga vaPostori, itusu tinocumaera vandhu muzi ngo muzi. (Maitiro o Vapostori 20:20) Tinopazve jijo yo Bhaibheri ku vayani vanoda zvokadi ngo mwoyo wese. Asi, Zvapupu zva Jehovha asipi caungavo haco. Tiri mbhuri ina Baba vano rudo. Tiri hama no hambzaji vanotajana. (2 VaTesalònika 1:3) Ngo kuti vandhu va Jehovha vakarongwa kuti vadakajise Mwari zve kuti vabesere vamweni, ivona vanoumba mbhuri inomudakaro pasi pano.​—Verenganyi Nduyo 33:12; Maitiro o Vapostori 20:35.