Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 8

Kujijisa ngo Muezaniso

Kujijisa ngo Muezaniso

Mateu 13:34, 35

MUNODIKANA KUITENYI? Jijisanyi mecishandisa muezaniso jinodakarihwa ngo vapurutani venyu zve jinojekesa fundo ramunoda kujijisa.

MUNGAZVIITISA KUDINI?

  • Khetanyi muezaniso wakareruka. Itanyi inga ndi Jesu waijijisa zviro zvikuru ngo magama mashoma zve waidurujira zviro zvinonesa ngo magama akareruka. Mucandopanangija zviro zvakawanda maningi ngo kuti zvinozophingaija. Ivanyi no cokwadi kuti zvamunoda kushandisa pa muezaniso wenyu zvinonasa kujekesa fundo ramuri kujijisaro zve azvizophingaiji vapurutani ngo pamusoro po kupanangija zvakawanda.

  • Rangariranyi zvinozobesera vapurutani venyu. Sananyi muezaniso jakacijikira pa zviro zvinoithwa ngo vapurutani kana zvavanodakarira. Ngwariranyi kuti muezaniso jenyu jitame kukhugunya vamweni kana kutovapseruja.

  • Jekesanyi fundo guru. Itanyi muezaniso unojekesa fundo guru, kuciripi kuezanisira mativi akasiana-siana o shwiro yamuri kujijisaro. Ivanyi no cokwadi kuti vapurutani venyu vaceukije fundo rinojekeswa ngo muezaniso wenyu, kuciripi kuceukija muezanisowo basi.