Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 7

Kurungama no Kukhohwesa

Kurungama no Kukhohwesa

Luka 1:3

MUNODIKANA KUITENYI? Kudari mecida kunokora masoko o mundhu kana zvakatahwa mubhuku riri rese, ngarive rinothembeka, kuti vapurutani venyu vagume pa mbhejiso yakanaka.

MUNGAZVIITISA KUDINI?

  • Psakanyi mabhuku anothembeka. Masoko enyu ngaabve mu Soko ra Mwari, kuita ngo kuriverenga kamare kudari mukazvikwanisa. Kudari mukada kunokora zviro zvo siensiya, masoko, ciitiko ciri cese, kana ucapupu huri hwese hunoinikira zvamuri kunangaro, nasanyi kupopora kuti zvinothembeka kana haiwa, zve azvibviri kuva zvakapera parazo.

  • Nasanyi kushandisa Bhaibheri. Durujiranyi vhesi mukuzwirana no zvinonangwa ngo Bhaibheri no mabhuku o “muranda wakagondeka no wakangwara.” (Mt. 24:45) Mungashandisa mabhuku o nyika anothembeka asi mucadocinja revo yainga no mutari wo bhukuro.

  • Kurangarijisisa no vapurutani venyu. Pamunopera kuverenga vhesi kana kunokora masoko anobva kumweni, ngo njira kwayo, itanyi mubvunjo kana kuezanisira fundo rinodiwaro kuti mubesere mundhu kuti agume ega pa mbhejiso.