Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 2

Kuita ngo kubhuisana

Kuita ngo kubhuisana

2 VaKorinto 2:17

MUNODIKANA KUITENYI? Shandisanyi mabhuire amunoita kamare zve ngo mwoyo wese mu njira inovonesa mazwiro amunawo kuno mundhuwo no zvamuri kubhuyaro.

MUNGAZVIITISA KUDINI?

  • Nasiriranyi ushoni zve itanyi mukumbiro. Itanyi mukumbiro kuti hwiru hwenyu hurangarire masoko amunawo kuciripi ngo manangire amunoda kumaita. Viganyi mafundo makuru mu murangariro menyu. Shandisanyi magama enyu; mucaita inga muri kuverenga zvakatahwa.

  • Bhuyanyi ngo mwoyo wese. Kudari mukabatikana maningi ngo masoko amunawo no mabesere amungaita vandhu, munozovereketa makasujunuka inga zvamunoita nguva jese. Zve ciimo cenyu, mashandisire amunoita nyara, no muviri zvinozovonesa kuti muri kuvereketa gwinyiso zve munozova inga shamwari yavo.

  • Sotanyi vapurutani venyu. Pamunonga mecivereketa, sotanyi kumeso ko mundhuwo kudari zvecitendehwa mu ndharaundha mwenyumo. Meciita hurukuro, sotanyi mundhu umwe nga umwe pa mukuvo umwe nga umwe, kuciripi kusota vese pa mukuvo umwewo.