Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 18

Maitiro Anojijisa Vapurutani

Maitiro Anojijisa Vapurutani

1 VaKorinto 9:19-23

MUNODIKANA KUITENYI? Itanyi kuti vapurutani venyu varangarire shwiro yamuri kuvajijisaro zve vajizwe kuti vajija zviro zvinopsasa mwoyo.

MUNGAZVIITISA KUDINI?

  • Kupsaka kuziva zvinozivika ngo vapurutani venyu. Kunja ko kuvereketa zviro zvavakaziva kare, vabeserenyi kuvona shwiroyo inga imbza.

  • Psakisisanyi no kurangarijisisa. Pazvinonga zvecikwanisika, ejanyi kubatanija zviro zvicikanasi kuzivika kana zviitiko zvipsa kuti muezanisire fundo ramunodaro. Nasanyi kurangarijisisa musoro wamuri kujijisa zve vonesanyi kuzwirana kuripo pakati po zviro zvamunodaro kunokora zvicikanasi kuzivika no musoro wenyu.

  • Tatijanyi mashandire o masoko enyu. Durujiranyi kuti fundo riri mu vhesi ringabesera kudini vapurutani venyu mu upenyu hwavo hwo zuva ngo zuva. Bhuyanyi ngo pamusoro po mugariro, mufambiro, no zviito zvinonyanya kuvoneka maningi ku vapurutani venyu.