Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 14

Kujekesa Mafundo Anosisira

Kujekesa Mafundo Anosisira

Vaheberi 8:1

MUNODIKANA KUITENYI? Beserenyi vapurutani kuti vatame kusara sure pamunonga meciita hurukuro, zve itanyi kuti fundo rinosisira rive recizwirana no shwiro ya muri kubhuyaro no musoro wakona.

MUNGAZVIITISA KUDINI?

  • Ivanyi no Cinangwa. Vonesesanyi kuti hurukuro yenyu inocinangwa co kuzivisa, kukhohwesa kana kundundira vapurutani kuti vaite cinjo mu upenyu. Ivanyi no cokwadi cokuti mafundo ese anosisira amubesera kuti mukwanirise kuita zvamaida.

  • Gogomejeranyi musoro wo hurukuro yenyu. Pamunonga meciita hurukuro yenyu gogomejeranyi musoro wayo ngo kunanga masoko makuru o musoro wo hurukuro.

  • Itanyi kuti mafundo anosisira ave akajeka zve akareruka. Sananyi basi mafundo anosisira anozwirana no musoro o hurukuro, amunoda kushandisa mukati mo hurukuro yenyu. Mucawanja mafundo anosisira, jekesanyi fundo rimwe nga rimwe, momboima padoko, ngo njira yakanaka mokwanisa kudambhira fundo rimweni rinosisira.