Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 12

Ushamwari no Mazwiro

Ushamwari no Mazwiro

1 VaTesalònika 2:7, 8

MUNODIKANA KUITENYI? Vereketanyi ngo mwoyo wese, zve tatijanyi vapurutani venyu kuti munovareremeja.

MUNGAZVIITISA KUDINI?

  • Rangariranyi ngo vapurutani venyu. Nasiriranyi mwoyo wenyu ngo kuceuja zvineso zvovanosongana nazvo. Ejanyi kurangarira mazwiro avo.

  • Sananyi magama enyu ngo kungwarira. Psakanyi kutondhoja, kuvangisa no kupa simba vapurutani venyu. Mucadoshandisa mavereketero o kuti anovakhugunya zve mucadovereketera zvakashata vandhu vacikatendi kana kushora zvitendhwa zvavo.

  • Vonesanyi kudakarira kwenyu. No izwi ro unyasha zve no zvitatijo zvinofanera, vonesanyi vapurutani venyu kuti munovatajadi kamare. Ngwariranyi maningi zvamunovonesa ngo mumeso mwenyu; kazinji nyemwereranyi.