Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIPAUKO 6

Tinoenda Kwapi Patinofa?

Tinoenda Kwapi Patinofa?

1-3. Vandhu vanoita mubvunjo jo mushovonyi ngo pamusoro po rufu, zve zviara zvimweni zvinojipingurisa kudini?

BHAIBHERI rinotigondesa kuti inozoguma njiku yo kuti “akucazovi no kufa.” (Apokalipsi 21:4) Mu Cipauko 5, takajija kuti muripo wakaitisa kuti tive no upenyu ucikaperi. Asi vandhu vaciri kundofa. (Mucumaeri 9:5) Waro umwe wo mubvunjo mukuru watinoita nga uwu, Zvicinyi zvinoitika patinofa?

2 Mupinguro wo mubvunjo uwu unosisira maningi patinofihwa ngo mudiwa. Kangaije tingabvunjisa kuti: ‘Waenda kwapi? Ari kutivona here? Angatibesera? Tinozomuvonazve here?’

3 Zviara zvinopingura mubvunjo iji ngo njira jakasiana. Vamweni vanojijisa kuti kudari muri mundhu wakanaka, munoenda kudenga zve kudari muri mundhu wakashata munoenda koopsa mu gehena. Vamweni vanonanga kuti pamunofa munova mujimu, morarama no ukama hwenyu hwakapera kufa kare. Zve vamweni vanojijisa kuti pamunopera kufa perapo motongwa, munozoenda koobahwazve, kana kuti kuraramazve no muviri umweni, kangaije inga mundhu umweni kana inga cinyama.

4. Zviara zvakacijikira pa murangariro wapi, pazvinojijisa ngo pamusoro po rufu?

4 Zviara zvinoita inga zvino majijisire akasiana. Asi vese vakacijikira pa murangariro umwe basi. Ivona vari kujijisa kuti panofa mundhu, panosara divi rimweni recirarama. Ndizvona here?

 TINOENDA KWAPI PATINOFA?

5, 6. Zvicinyi zvinoitika patinofa?

5 Jehovha anoziva zvinoitika patinofa, zve wainga akatibvunja kuti mundhu paanofa, upenyu hwake hwapera. Kufa, kutama upenyu. Waro mundhu paanofa, mazwiro ake no murangariro wake azvisari zvecirarama kumwenizve. * Patinofa ativoni, atizwi, zve atirangaririzve.

6 Mambo Soromoni wakatara kuti “vakafa avabzizivi.” Vakafa avana rudo, avazondi zve “mu iba . . . amuna basa, murangariro, nokuti kuziva no ungwaru.” (Mucumaeri 9:5, 6, 10.) Zve pana Nduyo 146:4, Shanduro yeNyika Itsva, Bhaibheri rinotibvunja kuti panofa mundhu, “murangariro wake” unofa.

ZVAKANANGA JESU NGO PAMUSORO PO RUFU

Jehovha wakasika mundhu kuti ararame mbhera na rini pasi pano

7. Jesu wakanangenyi ngo pamusoro po rufu?

7 Razaro, shamwari ya Jesu payakafa, Jesu wakananga kudari kuno vajiji vake: “Lázaro, xamwari yedu, wakavata.” Asi Jesu aacainangepi kuti Razaro wainga ecizorora. Tevere, Jesu wakananga kuti: “Lázaro wafa.” (Johani 11:11-14) Waro Jesu wakaezanisa kufa inga kuvata. Iyena aazivi kunanga kuti Razaro, wainga ari kudenga kana wainga ano ukama hwake hwakapera kufa kare. Nee aazivi kunanga kuti Razaro wainga ecitambujwa mu gehena kana kubahwazve inga mundhu umweni kana inga cinyama. Haiwa, zvaiita inga ari muhope acikaroti. Pano bvesi imwenizve inoezanisa rufu no kuvata. Inga muezaniso: Njiku imweni Jesu wakaezanisa  rufu no kuvata paakamusa mwana wokaji wa Jairosi. Iyena wakananga kuti: “Mucarira! Yena aazivi kufa; wakavata.”—Luka 8:52, 53.

8. Tinozvizivisa kudini kuti Mwari aazivi kusika vandhu kuti vafe?

8 Mwari wakasika Adhamu na Evha kuti vafezve here? Haiwa! Jehovha wakavasika kuti vadakajihwe ngo upenyu mbhera na rini no uhomi hwakakwana. Jehovha paakaita vandhu, iyena wakavapa cido co kurarama no kucingaperi. (Mucumaeri 3:11) Vabari avadi kuvona vana vavo veciita harahwa no kufa, zve Jehovha ano mazwiro akadarovo ngo pamusoro pedu. Asi  kudari Mwari akatisika kuti tirarame mbhera na rini, waro ngenyi tinofa?

NGENYI TINOFA?

9. Ngenyi mupango wa Jehovha kuna Adhamu na Evha wainga ucikanesi kuzwira?

9 Mu munda wo Edheni, Jehovha wakabvunja Adhamu kuti: “Unotendehwa kuha mucero yo miti yese yo mu munda. Kaveta, ucaha mucero wo muti wo uzivi hwo bzakanaka no bzakaxata, ngokuti pa njiku yo unozouha unozofa.” (Genesi 2:9, 16, 17) Mupango uwu wainga ucikanesi kuzwira, zve Jehovha ndiyena waitendehwa kubvunja Adhamu na Evha zviro zvakanaka no zvakashata. Ngo kuzwira Jehovha, vaizotatija kuti vanoreremeja ukuru hwake. Vaizovonesazve kuti vainga vecibonga ngo zvese zvavakapuwa ndiyena.

10, 11. (a) Sathana wakaitisa kudini kuti apause Adhamu na Evha? (b) Ngenyi zvakaita Adhamu na Evha zvicikaregerehwi?

10 Asi, Adhamu na Evha vakasana kutama kuzwira Jehovha. Sathana wakati kuna Evha: “Bzokadi Mwari wakananga kuti: amutendehwi kuha ku miti yese yo mu munda?” Evha wakadavira kuti: “Tinotendehwa kuha mucero yo miti yo mu munda. Kaveta mucero wo muti uri pakati po munda, Mwari wakati kotiri: mucauha, nokuti kuupsasa, munozofa.”—Genesi 3:1-3.

11 Sathana wakati: “Andibzopi, amuzofi! Mwari anoziva kuti, njiku yo munozouha, majiso enyu anozofununguka, nemwi munozoita inga ndi Mwari, meciziva bzakanaka no bzakaxata.” (Genesi 3:4-5) Sathana waida kuti Evha arangarire kuti waitokwanisa kuzvisanira ega zvakanaka no zvakashata. Nguva iyi, iyena wainga ecinyepa ngo pamusoro po zvaizovaitikira kudari Evha akapandukira. Sathana wakabvunja Evha kuti  aacaizofepi, ngo kudaro Evha wakaha umwe o mucero zve opavo mwamuna wake. Adhamu na Evha vaiziva kuti Jehovha wainga akavabvunja kuti vatame kuha mucero. Povakandouha, vakasana kutama kuzwira no kuramba mupango ucikanesi kuzwira. Ngo kuuha, ivona vakatatija kuti avana rudo na Baba vo mugore. Zvavakaitaro azviregerehwi!

12. Ngenyi Zvakaita Adhamu na Evha zvakasuruvaja maningi Jehovha?

12 Kusuruvaja kwakadini kwakaita majibaba edu o kutanga ngo kutama nderemejo ku Musiki wavo! Maizozwa kudini kudari mukatambujika maningi ngo kurera vana perapo vomupandukira zve voita zvakasiana no zvamakavabvunja? Azvicaizovojepi mwoyo wenyu here?

Adhamu wakabva ku bukuta, zve wakahwirira ku bukuta

13. Jehovha wairevenyi paakananga kuti “unozohwirirabze ku bukuta”?

13 Adhamu na Evha pavakatama kuzwira, ivona vakaruza mukana wo kurarama no kucingaperi. Jehovha wainga akabvunja Adhamu kuti: “Uri bukuta, unozohwirirabze ku bukuta.” (Verenganyi Genesi 3:19.) Izvi zvaireva kuti Adhamu waizovazve bukuta, inga acizivi kumbosikwa. (Genesi 2:7) Pasure po kushaisha ka Adhamu, iyena wakafa zve aazivi kuzoveyozve.

14. Ngenyi tinofa?

14 Kudari Adhamu na Evha no vakazwira Mwari, vaizodari vecirarama  nyamasi. Asi pavakatama kuzwira Mwari, ivona vakashaisha zve vofa. Cishaishi cakaita inga ndhendha yakashata maningi yatakabahwa nayo kubva kuvabari vedu. Tese tinobahwa tiri vashaishi, ngo zvinoitisa kuti tife. (VaRoma 5:12) Asi ici asipi cidisiso ca Mwari kuno vandhu. Mwari aazivi kumboda kuti vandhu vafe, zve Bhaibheri rinodaninja rufu inga “mukorore,” kana kuti muvengi.—1 VaKorinto 15:26.

COKWADI CAKATISUJUNURA

15. Cokwadi ngo pamusoro po rufu cinotisujunurisa kudini?

15 Cokwadi ngo pamusoro po rufu cakatisujunura kubva mu marangarire akashata. Bhaibheri rinotijijisa kuti vakafa avahwajihwi kana kusuruvara. Atingabhui navo, zve ivona avabhui na itusu. Atingavabeseri zve ivona avatibeserivo. Avangatikhuvazi, waro atidikani kuvathya. Asi zviara zvizinji zvinotibvunja kuti vakafa vari kurarama kumweni zve kuti tingavabesera kudari tikapekeja mare vapiri kana ka vaya vanovoniwa inga vandhu vakanaka. Asi patinoziva cokwadi ngo pamusoro po rufu, atizocengejwi ngo manyepo ondhowo.

16. Zviara zvizinji zvinojijisa manyepo api ngo pamusoro po rufu?

16 Sathana anoshandisa zviara zvo manyepo kuti zvitiitise kuti tirangarire kuti vakafa vaciri kurarama. Inga muezaniso, zviara zvimweni zvinojijisa kuti patinofa, pano divi redu rinosara recirarama kumweni. Ciara cenyu cinomujijisa kudaro, kana cinomujijisa zvinojijisa Bhaibheri ngo pamusoro po rufu? Sathana anoshandisa manyepo kuti apause vandhu va Jehovha.

17. Murangariro wo kupisa vandhu mu gehena ngenyi unotuka Jehovha?

17 Zvinojijisa zviara zvizinji zvinonyangaja maningi. Inga muezaniso, vamweni vanojijisa kuti vandhu  vakashata vanozopsa mbhera na rini mu gehena. Manyepo aya anotuka Jehovha. Iyena aangambotenderi kuti vandhu vatambujiswe kudaro! (Verenganyi 1 Johani 4:8.) Munozwa kudini ngo pamusoro po mundhu anopanica mwana ngo kupisa nyara jake pa muriro? Mungarangarira kuti wakashata maningi. Nee amungatodakariri kumuziva. Sathana anoda kuti tizwevo kudaro ngo pamusoro pa Jehovha!

18. Ngenyi ticikadikani kuthya vakafa?

18 Zviara zvimweni zvinotibvunja kuti mundhu paanofa, anova mujimu. Zviara izvi zvinojijisa kuti tinodikana kureremeja no kuthya mujimu iji ngo kuti ijona jingava shamwari jakavanga kana kuti muvengi mukuru maningi. Vandhu vazinji vanodavira manyepo aya. Ivona vanothya vakafa zve vanovanamata kunja ko kunamata Jehovha. Mucakanganwa kuti vakafa avana mazwiro ari ese, ngo kudaro atidikani kuvathya. Jehovha ndi Marure wedu. Iyena ndi Mwari wokadi-kadi, zve tinodikana kunamata iyena basi.—Apokalipsi 4:11.

19. Kuziva cokwadi ngo pamusoro po rufu kunotibeseresa kudini?

19 Patinoziva cokwadi ngo pamusoro po rufu, tinosujunuhwa kubva mu manyepo o zviara. Cokwadi ici cinotibesera kuzwisisa zvigondiso zvinoshamaisa zvakaithwa ndi Jehovha ngo pamusoro po upenyu hwedu no kumbeji kwedu.

20. Tinozojijenyi mu cipauko cinotevera?

20 Kare, mushandiri wa Mwari waidaninjwa kuti Jobe wakabvunjisa kuti: “Kudari ariwese akafa, angaponabze?” (Jobe 14:14) Zvingaitikadi kamare kuti mundhu wakafa araramezve here? Mupinguro watinopuwa ndi Mwari mu Bhaibheri unodakajisa maningi. Tinozozvivona mu cipauko cinotevera.

^ ndim. 5 Vamweni vanodavira kuti mwiha kana mujimu unosara wecirarama pasure po kufa ko mundhu. Kuti muwane masoko mazinji, vonanyi Masoko o Kupejisira civerengo 17 no 18.