Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 14

Umambo Unozotonga Pasi Pese

Umambo Unozotonga Pasi Pese

Unokwanisa kufembera kuti Umambo wapi watiri kubhuyari?— Hina, Umambo wa Mwari, Umambo hucazoita kuti pasi pese pave Paradhiso. Unoda kujija zvizinji ngo pamusoro po Umambo wondhowo here?—

Umambo uri wese una mambo. Zve mambo anotonga vandhu vari mu nyika yake. Unomuziva ndiani Mambo wo Umambo hwa Mwari here?— Ndi Jesu Kristu. Iyena anogara kudenga. Sambiri pano iyena acazova Mambo kuno vese pasi pano! Unorangarira kuti itusu ticazova vakadakara apo Jesu akazova Mambo pasi pano pese here?—

Zvicinyi zvaunovetera kuvona mu Paradiso?

Ticazova vakadakara kamare! Mu paradhiso, narini vandhu avacazotakani kana kuti kwenda ku hondo. Vese vanozodisana umwe no umweni. Apana anozohwaja kana kufa. Mapofu anozovona, vano mandondo vanozozwa, zve vaya vacikakwanisi kufamba vanozokwanisa kugogoma no kumbhuka. Vese vanozova no zvokuha zvakawanda. Zve zvinyama zvinozova shamari cimwe no cimweni zve na itusu. Vandhu vakafa vanohwirirazve ku upenyu. Vanarume no vanakaji vazinji vawakajijaya ngo zvavo mu bhurushura rino vakadari inga Rabheka, Rahabhi, Dhavhidhi pomwe na  Erija, vanozovazve no upenyu! Waizoda kusongana naivona pavanozoraramazve here?—

Jehovha ano rudo na iwewe zve anoda kuti uve wakadakara. Kudari ukaramba wecijija ngo pamusoro pa Jehovha no kumuzwira, iwewe unozokwanisa kurarama kwenda no kwenda mu paradhiso yakaseja! Ndizvona zvaunoda here?—