Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 2

Rabheka Waida Kudakajisa Jehovha

Rabheka Waida Kudakajisa Jehovha

Rabheka wainga mwanakaji waida Jehovha. Mwamuna wake wainga Izaki. Iyenavo waida Jehovha. Rabheka wakawanisa kudini Izaki? Rabheka wakakhombijirisa kudini kuti waida kudakajisa Jehovha? Imai timbojija zvizinji ngo pamusoro pake.

Vabari va Izaki vainga Abhirahama na Sara. Ivona vairarama ku nyika yo Kanani, mainga muno vandhu vacainamatepi Jehovha. Asi Abhirahama wainga ecida kuti mwana wake arovore musikane anonamata Jehovha. Ngo kudaro wakatumira mushandi wake, kangaije Eriezeri, kuti apsakire mukaji Izaki ku ndau yaidaninjwa Harani, kwairarama vo paukama vamweni va Abhirahama.

Rabheka wainga no cido co kushanda ngo simba kuti aviise kumwa kuitira makamera

Eriezeri wakaita hwendo no vashandiri vamweni va Abhirahama. Wainga mumango mukuru maningi. Ivona vakatora gumi ro makamera vothwara zvokuha no zvipo. Eriezeri waizozivisa kudini musikane waangasanira Izaki? Eriezeri paakaguma ku Harani no vashandiri vamweni, vakamboima pa mwimbo ngo kuti Eriezeri waiziva kuti vandhu vaizoviya mbaimbai kuzocera kumwa. Iyena wakaita mukumbiro kuna Jehovha eciti: ‘Kudari ndikakumbira musikane kuti andipe kumwa zve opavo kumwa inini no makamera angu, ndaizokwanisa kuziva kuti uwu ngo mwanakaji wamakakheta.’

 Perapo wocidoko Rabheka wakaviya pa mwimbo. Bhaibheri rinonanga kuti Rabheka wainga akaseja maningi. Eriezeri wakakumbira kumwa Rabheka zve Rabheka wakananga kuti: ‘Zvakanaka. Ndicapekeja imwimwi kumwa zve ndicaendavo koocerera makamera enyu.’ Cimborangarirai basi! Makamera anonyota anomwa kumwa yakawanda maningi, asi Rabheka waidikana kugogoma kumwimbo ecihwirira no kuhwirirazve. Uri kuvona mashandire aari kuita pa pikica?— Eriezeri wakakahamara ngo madavirire akaita Jehovha mukumbiro wake.

Eriezeri wakapa Rabheka zvipo zvizinji zvakaseja. Rabheka wakakoka Eriezeri no vashandiri vamweni kuti vaende kumuzi wo vabari vake. Eriezeri wakasanangura kuti ngenyi Abhirahama wainga amutuma kondhoyo zve madavirire akaita Jehovha mukumbiro wake. Vabari va Rabheka vakadakarira kumusiya ecienda koorovohwa ndi Izaki.

Rabheka wakaenda ku Kanani na Eriezeri zve orovohwa ndi Izaki

Asi unorangarira kuti Rabheka waida kurovohwa ndi Izaki here?— Rabheka wakaziva kuti ndi Jehovha wainga atumira Eriezeri kondhoyo. Ngo kudaro vabari va Rabheka pavakabvunjisa kuti dangani waida kuenda ku Kanani zve koorovohwa ndi Izaki, iyena wakati, ‘Hina, ndinoda kwenda.’ Ciriporipoco, Rabheka wakapinda na Eriezeri. Pavakaguma ku Kanani, wakarovohwa ndi Izaki.

Zvecivoneka kuti Rabheka wakaita zvaidiwa ndi Jehovha kuti aende, Jehovha wakamukomborera. Makore mazinji akazotevera, Jesu wakabarihwa mu mbhuri yake! Kudari ukaita inga ndi Rabheka zve odakajisa Jehovha, iyena anozokukomboreravo.

VERENGA MU BHAIBHERI RAKO