Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 4

Iyena Wakadakajisa Baba Wake na Jehovha

Iyena Wakadakajisa Baba Wake na Jehovha

Jefita wakaita cigondiso capi kuna Jehovha?

Zvainesa, asi mwana wa Jefita wakaita zvainga zvakagondesa baba vake

Uri kuvona musikane pa mupikica apa here?— Uwu mwana wa Jefita. Bhaibheri aritibvunji zina rake, asi tinoziva kuti iyena wakadakajisa baba wake na Jehovha. Imai tijije ngo zvake pomwe na baba vake, Jefita.

Jefita wainga mwanarume wakanaka zve waipeja nguva zinji ecijijisa mwana wake ngo pamusoro pa Jehovha. Waingavo mundhu wakavanga zve mutungamiriri wakanaka. Ngo kudaro vaIziraeri vakamukumbira kuti avatungamirire mu hondo yo vavengi vavo.

Jefita wakaita mukumbiro kuti abesehwe ndi Mwari kuti awine. Jefita wakagondesa kuti, kudari akawina, iyena waizopekeja Jehovha mundhu anotanga kuvia kuzomuashira pamuzi pake paanozohwirira kanyi. Mundhu  uwu waizorarama no kushanda pa tabherinake ya Mwari mu upenyu hwake hwese. Tabherinake yainga ndau yainamatihwa Mwari ngo vandhu munguva yondhoyo. Hina, Jefita wakawina hondo! Unomuziva kuti ndiyani wakatanga kumutandamija paakahwirira kumuzi here?—

Hina, mwana wa Jefita! Iyena wainga mwana wake ega basi, zve wari Jefita waidikana kumupindisa. Izvi zvakamusuruvarisa maningi. Asi ucakanganwa kuti wainga akaita cigondiso. Ciriporipoco, mwana wake wakati: ‘Baba, makaita cigondiso kuna Jehovha, ngo kudaro munodikana kucikwanirisa.’

Gore ngo gore shamwari jo mwana wa Jefita jaienda koomuvona

Mwana wa Jefita wakasuruvaravo. Pa tabherinake, iyena aacaidikanepi kurovohwa no kuva no vana. Asi iyena waidisisa kuti cigondiso ca baba vake cikwanirisike zve adakajise Jehovha. Izvi zvaisisira maningi kwaari kunja ko kurovohwa no kuva no vana. Ngo kudaro wakasiya pa muzi zve orarama pa tabherinake mu upenyu hwake hwese.

Unorangarira kuti zvaakaitari zvakadakajisa baba vake na Jehovha here?— Hina, zvakadakajisa! Kudari ukapurutana zve wova no rudo na Jehovha, unozova inga mwana wa Jefita. Iwewevo unozodakajisa vabari vako pomwe na Jehovha.