Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 10

Jesu Nguva Jese Waizwira

Jesu Nguva Jese Waizwira

I zviro zvakareruka kuzwira vabari vako nguva jese here?— Nguva jimweni zvinonesa. Waizviziva kuti Jesu waizwira Jehovha pomwe no vabari vake?— Muezaniso wake ungakubesera kuzwira vabari vako pikija zvecinesa. Ngatende tijije zvizinji.

Jesu acito avia pasi pano, iyena wainga na Baba vake Jehovha, ku denga. Asi Jesu wakava no vabari pasi pano. Ivona vainga Josefa na Maria. Unoziva kuti vakagumisa kudini pa kuva vabari vake?—

Jehovha wakatora upenyu hwa Jesu mudenga woudira mukati mwa Maria ngo kudaro Jesu waizobahwa no kurarama pasi pano. Ici cainga cishamaiso! Jesu wakakura mundani ma Maria kudarivo inga vana vamweni vanokura mundani ma mai wavo. Nopapera mweji jinokwana kuita mupfumbamwe Jesu wakabahwa. Ndiona maitiro akaitisa kuti Maria na Josefa vagume pa kuva vabari va Jesu pasi pano.

Jesu paainga no 12 o makore basi, iyena wakaita ciro cakakhombija rudo hwakadini hwaainga nahwo kuno baba vake, Jehovha. Izvi zvakaitika apo Jesu no ukama hwake vakaita hwendo hwakareba kwenda ku Jerusarema ku Phasika. Pavaihwirira ku muzi, Josefa na Maria avazivi kuvona Jesu. Unokuziva kwaainga?—

Ngenyi Jesu wainga mu tembere?

Josefa na Maria vakahwirira ngo kukasika ku Jerusarema koopsaka Jesu. Ivona vaikaya-kaya maningi ngo kuti avacaikwanisepi kumuwana. Asi nopapera njiku ndhatu, ivona vakazomuwana mu tembere! Unozviziva kuti ngenyi Jesu wainga mu tembere?— Ngo kuti mondhomo iyena waikwanisa kujijira ngo pamusoro pa Baba wake, Jehovha. Iyena waida Jehovha zve waida kujijira kuti angamudakajisa ngo njira yapi. Pikija paainga akura ova dhodha, Jesu nguva jese waizwira Jehovha. Jesu wakazwira pikija pazvainga zvecinesa kwaari zve zvecimuviisira matambujiko. Jesu waizwiravo Josefa na Maria here?— Hina, Bhaibheri rinonanga kuti iyena waizwira.

Ungajijenyi kubva ku muezaniso wa Jesu?— Unodikana kuzwira vabari vako, pikija pazvinonga zvecinesa. Unozoitavo kudaro?—